డా.రాజ‌శేఖ‌ర్‌. ఈయ‌న క‌థానాయ‌కుడిగా రూపొందిన చిత్రం `పిఎస్‌వి గ‌రుడ‌వేగ 126.18ఎం`. పూజా కుమార్‌, శ్ర‌ద్ధాదాస్‌, కిషోర్ త‌దిత‌రులు కీల‌క పాత్ర‌ల్లో న‌టించారు. జ్యో స్టార్ ఎంట‌ర్‌ప్రైజెస్ బ్యాన‌ర్‌పై ప్ర‌వీణ్ స‌త్తారు ద‌ర్వ‌క‌త్వంలో కోటేశ్వ‌ర్ రాజు ఈ చిత్రాన్ని నిర్మించారు. ఈ సినిమాను నవంబ‌ర్ 3న విడుల చేస్తున్నారు. ఈ సంద‌ర్భంగా హీరోయిన్ పూజాకుమార్‌తో ఇంట‌ర్వ్యూ…

‘పిఎస్వి గరుడవేగ’ సినిమా ఎలా ఉండబోతోంది ?
– ఈ సినిమాలో యాక్ష‌న్‌, థ్రిల్ల‌ర్‌, ఎమోష‌న్స్ వుంటాయి. తెలుగు ఇండస్ట్రీలో ఇదొక పాత్ బ్రేకింగ్ సినిమా అవుతుంది. ఈ సినిమాని థియేటర్లోనే చూసి ఎంజాయ్ చేయాలి. ఇందులో ట్రైన్స్, బైక్స్ యాక్షన్ సీక్వెన్సులు ఉంటాయి. చాలా బాగుంటాయి.

మీ క్యారెక్ట‌రైజేష‌న్ ఎలా ఉంటుంది?
– ఇందులో నాది హౌస్ వైఫ్ క్యారెక్టర్. ఎన్ఐఏ ఆఫీస‌ర్ అయిన భ‌ర్త దేశం కోసమే ఎక్కువ టైమ్ కేటాయిస్తుంటాడు. భర్తకు ఏమవుతుందో అని ఎప్పుడూ టెంక్షన్ పడుతూ అతని నుండి కేరింగ్, అటెంక్షన్ కోరుకునే భార్యగా నటించాను. అలాగే మ‌రోవైపు త‌న భ‌ర్త దేశాన్ని కాపాడే ఉద్యోగం చేస్తున్నాడు క‌దా..అని కూడా త‌ను ఆలోచిస్తూ ఉంటుంది. ప్రతి సినిమాలో హీరో, హీరోయిన్, విలన్ ఉంటారు. కానీ ఇందులో 10 ముఖ్యమైన క్యారెక్టర్స్ ఉంటాయి. ప్రతి పాత్ర‌కు ఇంపార్టెన్స్ ఉంటుంది. అలాగే నేను విశ్వ‌రూపం సినిమాలో కూడా హౌస్ వైఫ్ పాత్ర‌లోనే క‌నిపించాను. నిజానికి హౌస్ వైఫ్ పాత్ర‌లోనే న‌టించ‌డానికి చాలా విశేషాలుంటాయి.

ఈ సినిమాను మీరు అంగీక‌రించ‌డానికి కార‌ణం?
– ఇంత‌కు ముందు కూడా నేను తెలుగులో న‌టించ‌డానికి చాలా స్క్రిప్ట్స్ విన్నాను. కానీ న‌చ్చ‌లేదు. ఆ స‌మ‌యంలో డైరెక్ట‌ర్‌ ప్రవీణ్ సత్తారుగారు 120 పేజీలున్న బౌండెడ్ స్క్రిప్ట్ నాకిచ్చారు. అది చదువుతుంటే చాలా ఇంట్రెస్టింగ్‌గా అనిపించింది. ఇంత‌కు ముందు చెప్పిన విధంగా డ్రామా, యాక్ష‌న్‌, ఎమోష‌న్స్ న‌చ్చ‌డంతో న‌టించ‌డానికి అంగీక‌రించాను.

రాజ‌శేఖ‌ర్‌తో వ‌ర్కింగ్ ఎక్స్‌పీరియెన్స్ ఎలా ఉంది?
– గ‌తంలో రాజ‌శేఖ‌ర్‌గారు న‌టించిన పోలీస్ సినిమాల‌ను చూశాను. ఆయ‌న అద్భుతంగా న‌టించారు. ఆయ‌న చాలా ఎనర్జిటిక్. ముఖ్యంగా యాక్షన్స్ సన్నివేశాలైతే చాలా బాగా చేశారు.నేను కూడా కొన్ని యాక్షన్ సన్నివేశాల్లో క‌న‌ప‌డ‌తాను.