జై లవకుశలో ఇప్పటి వరకూ జై.. లవకుమార్లని చూశాం. ఇప్పుడు ముచ్చటగా మూడోవాడు వచ్చేశాడు. కుశాల్ కుమార్ ఎలా ఉంటాడో, ఏం చేస్తుంటాడో చూపించేశారు. ఎన్టీఆర్ త్రిపాత్రాభినయం చేస్తున్న చిత్రం ‘జై లవకుశ’. బాబి దర్శకుడు. కుశాల్ టీజర్ని కొద్దిసేపటి క్రితం విడుదల చేశారు. అమెరికాకు వెళ్లి.. అక్కడ గ్రీన్ కార్డు తీసుకొని సెటిలైపోవడం అనేది కుశాల్ టార్గెట్. మాయ చేయడం, చేద్దామనుకొన్నవాళ్లని తన్నడం అతని హాబీలు. కుశాల్ క్యారెక్టరైజేషన్ తెలిపేలా పాట, డైలాగులు మేళవించి… ఆ పాత్రకు సంబంధించిన సమాచారం అంతా… చెప్పే ప్రయత్నం చేశారు. జై యాక్షన్ మూడ్లో ఉంటే, లవకుమార్ ఫ్యామిలీ టైపుగా కనిపించాడు. కుశాల్ మాత్రం ఎంటర్టైన్మెంట్కి కేరాఫ్ అడ్రస్గా నిలిచాడు. మొత్తానికి మూడూ.. మూడు డిఫరెంట్ వేరియేషన్స్ ఉన్న పాత్రలే. అవి ఎంత రక్తికట్టాయి అనేదాన్ని బట్టే ఈ సినిమా విజయం ఆధారపడి ఉంది. ఈనెల 10న అభిమానుల సమక్షంలో ట్రైలర్ని ఆవిష్కరించబోతోంది చిత్రబృందం. మరి ముగ్గురూ కలిసిన ఆ ట్రైలర్ ఏ మేరకు మెపపిస్తుందో చూడాలి.
కుశ ఎంట్రీ: కొట్టేయడంతో పాటు కొట్టడం కూడా వచ్చు
