శేఖర్ కమ్ముల దర్శకత్వంలో వరుణ్ తేజ్ హీరోగా.. మలయాళ భామ సాయి పల్లవి హీరోయిన్ గా ఫిదా సినిమా తెరకెక్కతున్న సంగతి తెలిసిందే. చాలా కాలంగా షూటింగ్ జరుపుకుంటున్న ఈ చిత్రం నుండి ఎట్టకేలకు ఓ టీజర్ వచ్చింది. శేఖర్ కమ్ముల మార్క్ తో మొదలైన టీజర్ చివర్లో ఆయన మార్కుకు కొంచెం భిన్నంగా ఎండ్ అయ్యింది.

టీజర్ ఓపెనింగ్ హీరోయిన్ సాయి పల్లవి డైలాగ్ తో మొదలయ్యింది. ”బద్మాస్ .. బలిసిందరా.. బొక్కలు ఇరగ్గొడతా” అంటూ తెలంగాణ యాసలో సాయి పల్లవి చెప్పిన డైలాగ్ ముచ్చటగా వుంది. వరుణ్ తేజ్ కూడా ఓ డైలాగ్ చెప్పాడు. ‘ఏం పిల్లరా.. వెళ్లట్లేదు మైండ్‌లో నుంచి. జీవితాంతం ఒకరితో ఉండాలనుకుంటున్నావు కదా.. తను ఈమే’ అంటూ స్లో మోషన్ లో శేఖర్ మార్క్ తో ఓ డైలాగ్ పలికాడు వరుణ్. అయితే ఫైనల్ టచ్ మాత్రం శేఖర్ మార్క్ కి భిన్నంగా వుంది. ఓ మంచు కొండలో హీరో హీరోయిన్ హాగ్ చేసుకున్న సీన్ కనిపించింది. జనరల్ గా శేఖర్ సినిమాల్లో కట్ చస్తే మంచుకొండల్లో డుయట్లు పాడటం లాంటివి వుండవు. మరి ఇది స్టోరీ బ్యాక్ డ్రాప్ లో వచ్చిందా లేదా ఈసారి వరుణ్ వున్నాడు కదా అని ఓ డుయట్ ప్లాన్ చేసేరేమో చూడాలి.

శ్రీ వెంకటేశ్వర క్రియేషన్స్‌ పతాకంపై దిల్‌రాజు నిర్మిస్తున్న చిత్రమిది. ఒక అమెరికా అబ్బాయికి, తెలంగాణ అమ్మాయికి మధ్య సాగే ప్రేమ కథ. జూలైలో ఈ సినిమా ప్రేక్షకుల ముందుకు వచ్చే అవకాశం వుంది.