కరెంటు తీగలో హాట్ హాట్ గా కనిపించింది సన్నీలియోన్. సన్నీ ఎంట్రీకి మాస్ నుంచి మంచి రెస్పాన్స్ వచ్చింది. ఆ తరవాత ఎన్ని ఆఫర్లు వచ్చినా.. సన్నీ కరగలేదు. సన్నీ పారితోషికం చూసి చాలా మంది నిర్మాతలు లైట్ తీసుకొన్నారు. ఇన్నాళ్లకు సన్నీలియోన్ మళ్లీ తెలుగు తెరపై కనిపించబోతోంది. అదీ… ఐటెమ్ పాటలో. రాజశేఖర్ – ప్రవీణ్ సత్తారు కాంబినేషన్లో తెరకెక్కుతున్న చిత్రం ‘పి.ఎస్.వి.గరుడవేగ’.
శృంగార తార సన్నిలియోన్ ఈ చిత్రంలో ఓ ఐటెమ్ సాంగ్ చేస్తోంది. ముంబై ఫిలింసిటీలో ఈ పాట కోసం ఓ భారీ సెట్ కూడా వేశారు. ‘గందిబాత్…’, ‘రాం చాహే లీల చాహే…’ వంటి బాలీవుడ్ సూపర్హిట్ గీతాలకు కొరియోగ్రఫీ అందించిన విష్ణుదేవా ఈ పాటకు నృత్య రీతులు అందిస్తున్నాడు. నువ్వొస్తానంటే నేనొద్దంటానా తరవాత విష్ణుదేవా ఓ తెలుగు చిత్రానికి కొరియోగ్రఫీ చేయడం ఇదే తొలిసారి. ఈ పాటకోసం సన్నీకి రూ.30 లక్షల వరకూ ఇచ్చినట్టు తెలుస్తోంది. కేవలం సన్నీ, కొరియోగ్రాఫర్ విష్ణుల కోసమే ఈ పాటని ముంబైలో తెరకెక్కించాలని నిర్ణయించుకొన్నార్ట. రాజశేఖర్ పేరు, ఫొటో చూసి టికెట్టు తెంచుకొనే రోజులు కావివి. కాస్త మసాలా అద్దాల్సిందే. అందుకే ప్రవీణ్ సత్తారు ఈ స్టెప్ తీసుకొన్నట్టు తెలుస్తోంది.
