కాజల్కి మంచి రోజులొచ్చినట్టున్నాయి. ఎన్టీఆర్తో ఐటెమ్ సాంగ్ లో చిందేసే ఛాన్సు కొట్టేసింది కాజల్. ఇప్పుడు చిరంజీవి 150వ చిత్రంలో కథానాయిక అయిపోయింది. గత వారం రోజుల నుంచీ చిరు కథానాయికల జాబితాలో కాజల్ పేరు కూడా చేరినట్టు ప్రచారం జరుగుతోంది. అదే ఇప్పుడు నిజమైంది. ఎట్టకేలకు చిరు కథానాయికెవరో తెలిసింది. ఆ ఛాన్స్ కాజల్కి దక్కింది. ఇది వరకు నయనతార, అనుష్క పేర్లు పరిశీలించారు. బాలీవుడ్ భామల పేర్లూ ప్రస్తావనకు వచ్చాయి. ఆ అన్వేషణ కాజల్ దగ్గరకు వచ్చి ఆగింది.
అయితే పారితోషికం మరీ ఎక్కువ అడగడంతో కాజల్ పేరు హోల్ట్లో పెట్టారు. ఇప్పుడు ఆ బేరం తెగింది. కాజల్ కూడా కాస్త మనసు మార్చుకొని పారితోషికం విషయంలో చూసీ చూడనట్టు వ్యవహరించడంతో…. ఈ అన్వేషణకు తెరపడింది. మరో వారం రోజుల్లో ప్రారంభం కానున్న కొత్త షెడ్యూల్లో
కాజల్ జాయిన్ అవ్వనున్నట్టు టాక్. మరోవైపు విలన్ సమస్య కూడా తీరిపోయింది. బాలీవుడ్ నటుడు తరుణ్ అరోరా.. చిరుకి విలన్గా సెలెక్ట్ అయ్యాడు. ఇక టైటిల్ సంగతీ తేలిపోతే… చిరు 150వ చిత్రానికి అన్నీ క్లియర్ అయిపోయినట్టే.
