నలుగురు వార్డు మెంబర్లు, ఇద్దరు సర్పంచ్లను పక్కన పెట్టుకుని మళ్లీ మంచి రోజులు వస్తాయని కేసీఆర్ అంటున్నారని.. కానీ ముంచే రోజులు వస్తాయని రేవంత్ కౌంటర్ ఇచ్చారు. నల్లగొండ జిల్లాలో జరిగిన ప్రజాపాలన సభలో కేసీఆర్ పై సెటైర్లు వేశారు. నీ కొడుకే నీపార్టీకి గుదిబండ అని.. పార్టీని ముంచేస్తాడని .. ఇక మంచి రోజులు ఎలా వస్తాయని ప్రశ్నించారు.
పదేళ్ల పాటు దోచుకుంది చాల్లేదా అని ప్రశ్నించారు. కొడుకు, బిడ్డ, అల్లుడు తెలంగాణ ను నాలుగు వైపుల నుంచి పీక్కు తిన్నారు.. 8 లక్షల కోట్ల అప్పు చేసినా కేసీఆర్ ఆశ తీరలేదా అని ప్రశ్నించారు. అసెంబ్లీ ఎన్నికల్లో బీఆర్ఎస్ కు అధికారం పోయింది, పార్లమెంటు లో గుండు సున్నా వచ్చింది, ఎమ్మెల్సీ ఎన్నికల్లో అభ్యర్థులు దొరకలేదు , జూబ్లీహిల్స్ లో రెఫరెండం అంటే బోరబండ దగ్గర బీఆర్ఎస్ ను బండకేసి కొట్టారు అయినా మంచి రోజులని మాట్లాడుతున్నారని ఎద్దేవా చేశారు.
కేసీఆర్ బయటకు రావడం లేదు. ఎప్పుడో ఓ సారి పార్టీ నేతలను ఫామ్ హౌస్ కు పిలిపించుకుని ధైర్యం చెబుతున్నారు. భరోసా ఇస్తున్నారు. ఈ సారి అధికారం మనదేనని అంటున్నారు. ఇలాంటి వీడియోలు వచ్చినప్పుడల్లా.. రేవంత్ .. స్ట్రాంగ్ కౌంటర్లు ఇస్తున్నారు.
