త‌మిళ‌నాట విజ‌య్ ఓ సునామీ. అక్క‌డ త‌న‌ది సూప‌ర్ స్టార్ డ‌మ్‌. విజ‌య్ సినిమా వ‌స్తోందంటే బాక్సాఫీస్ ఎలెర్ట్ అయిపోతుంది. ఏ సినిమాకు నాన్ థియేట్రికల్ వ్యాపారం అయినా, అవ్వ‌క‌పోయినా విజ‌య్ సినిమా అంటే ఎగ‌బ‌డి మ‌రీ కొనేస్తుంటారు. ఓటీటీ మార్కెట్ ఇప్పుడు ప్ర‌తీ చోటా డ‌ల్ గానే వుంది. కానీ.. విజ‌య్ సినిమా ‘జ‌న‌ నాయ‌గ‌న్’ మాత్రం హాట్ కేక్‌లా అమ్ముడుపోయింది. ఈ సినిమాని అమేజాన్ సంస్థ దాదాపు రూ.120 కోట్ల‌కు కొనుగోలు చేసింది. అంతేకాదు.. శాటిలైట్ రూపంలో మ‌రో రూ.55 కోట్లు వ‌చ్చాయ‌ట‌. అంటే విడుద‌ల‌కు ముందే రూ.175 కోట్ల బిజినెస్ చేసేసుకొంది. త‌మిళ సినీ వ‌ర్గాల్లో ఇదో హాట్ టాపిక్‌.

విజ‌య్ రాజ‌కీయాల్లోకి అడుగుపెట్టాడు. ఎన్నిక‌ల ముందు తాను చేసే చివ‌రి చిత్రం ఇదే. అందుకే ఈ సినిమాకు ఇంత హైప్ వ‌చ్చింది. పైగా ద‌ర్శ‌కుడు వినోద్ పై భ‌రోసా వుంది. విజ‌య్ చివ‌రి చిత్రం ‘గోట్‌’ దారుణంగా ఫ్లాప్ అయ్యింది. అయితే ఆ ఎఫెక్ట్ ఈ సినిమాపై ఏమాత్రం ప‌డ‌లేదు. విజ‌య్ పారితోషికం కూడా దాదాపు రూ.150 కోట్ల‌కు పైమాటే. ఆ మొత్తాన్ని ఇప్పుడు నాన్ థియేట్రిక‌ల్ రైట్స్ రూపంలో ద‌క్కించుకొన్నారు. పూజా హెగ్డే ఈ సినిమాలో క‌థానాయిక‌గా న‌టిస్తోంది. బాబీ డియోల్ ప్ర‌తినాయకుడిగా క‌నిపించ‌బోతున్నాడు. అనిరుథ్ సంగీతాన్ని స‌మ‌కూర్చారు. సంక్రాంతి సంద‌ర్భంగా జ‌న‌వ‌రి 9న విడుద‌ల చేసేందుకు ప్ర‌య‌త్నిస్తున్నారు. సంక్రాంతి సీజ‌న్‌లో త‌మిళ‌నాట విజ‌య్‌కు పెద్ద పోటీ ఉండ‌క‌పోవొచ్చు. కానీ… తెలుగులో మాత్రం విజ‌య్‌కు క‌ష్ట‌మే. ఎందుకంటే ఇక్క‌డ సంక్రాంతి సీజ‌న్‌ని టార్గెట్ గా చేసుకొని చాలా సినిమాలు బ‌రిలోకి దిగుతున్నాయి. అందులో మెగాస్టార్ సినిమా కూడా వుంది. ఈ పోటీ మ‌ధ్య విజ‌య్ నిల‌బ‌డ‌గ‌ల‌డో, లేడో?