భారత దేశ ఆర్థిక సంవత్సరం ఏప్రిల్ 1న మొదలవుతుంది. మార్చి 31న ముగుస్తుంది. దీన్ని మార్చడం అవసరమా, మారిస్తే ఉపయోగాలు ఏమిటో అధ్యయనం చేయాలంటూ కేంద్ర ప్రభుత్వం ఒక కమిటీని నియమించింది. ఈ కమిటీ అన్ని అంశాలూ పరిశీలించి డిసెంబలర్ 31న ప్రభుత్వానికి నివేదిక ఇస్తుంది.

ఏప్రిల్ 1 నుంచి ఆర్థిక సంవత్సరం మొదలైతే మౌలిక సదుపాయాల రంగంలో పెట్టుబడులు వెల్లువెత్తడం కష్టమవుతుందని ఇటీవల కొందరు ఆర్థిక వేత్తలు అభిప్రాయపడ్డారు. కొత్తగా చేసిన కేటాయింపులు ఆయాన నిర్మాణాల పనుల కోసం చేరేసరికి మే లేదా జూన్ వస్తుందని అప్పుడు నాలుగు నెలలు వర్షాకాలంలో పనులకు ఆటంకం కలుగుతుందని వారి అభిప్రాయం. అలా కాకుండా ఆర్థిక సంవత్సరాన్ని మారిస్తే నిధుల వ్యయానికి ఆటంకం ఉండదని, కాబట్టి మార్కెట్లో ద్రవ్య చెలామణి జోరు తగ్గకుంగా కొనసాగుతుందని కొందరు సలహా ఇచ్చారు.

అయితే దీని సాధ్యాసాధ్యాలు, మార్పు వల్ల ఉపయోగాలు, నష్టాలను అధ్యయనం చేయడానికి మోడీ ప్రభుత్వం కమిటీని నియమించింది. దాని నివేదిక వచ్చిన తర్వాత ఒక నిర్ణయం తీసుకోవచ్చు. ప్రస్తుతం ప్రపంచంలో ఏయే దేశాల్లో ఎప్పుడు ఆర్థిక సంవత్సరం మొదలవుతుందో చూద్దాం…

అమెరికా- అక్టోబర్ 1. ఇంగ్లండ్-ఏప్రిల్ 1. థాయ్ లాండ్- అక్టోబర్ 1. దక్షిణ కొరియా, స్పెయిన్- జనవరి 1. దక్షిణాఫ్రికా- ఏప్రిల్ 1. సింగపూర్, జపాన్- ఏప్రిల్ 1. ఆస్ట్రేలియా- జులై 1. బ్రెజిల్- జనవరి 1. చైనా- జనవరి 1. పాకిస్తాన్-జులై 1. రష్యా- జనవరి 1.

ఒకేసారి స్వాతంత్ర్యం పొందిన భారత్, పాకిస్తాన్ భిన్నమైన తేదీలను ఆర్థిక సంవత్సర ఆరంభ తేదీలుగా పరిగణస్తున్నాయి. చాలా దేశాలు క్యాలెండర్ సంవత్సరాన్నే ఆర్థిక సంవత్సరంగా పరిగణిస్తున్నాయి. అంటే జనవరి 1న అక్కడ ఆర్థిక సంవత్సరం మొదలవుతుంది. ఇంగ్లండ్ నుంచి స్వాతంత్ర్య పొందిన మనం ఆ దేశాన్నే అనుసరిస్తూ ఏప్రిల్ 1ని ఖరారు చేసుకున్నాం