తన వెనుక కొండంత బ్యాక్ గ్రౌండ్ ఉన్నా దాన్ని యుటిలైజ్ చేసుకోలేకపోతున్నాడు అల్లు శిరీష్. గౌరవంలో శిరీష్ని చూశాక చాలామంది పెదవి విరిచారు. ఆ సినిమా అట్టర్ ఫ్లాప్ అయ్యింది. కొత్త జంటలో కాస్త ఫర్వాలేదనిపించాడు. ఆ సినిమా తరవాత తనలోని మైనస్సులపై పూర్తిగా దృష్టి పెట్టాడు. లుక్ మార్చుకొని కెమెరా ముందుకు రావడానికి టైమ్ తీసుకొన్నాడు. ఎట్టకేలకు శిరీష్ నుంచి మూడో సినిమా వస్తోంది.. అదే శ్రీరస్తు – శుభమస్తు. పరశురామ్ ఈ చిత్రానికి దర్శకుడు. తనకు డూ ఆర్ డైలాంటి సినిమా ఇది. శిరీష్సినిమా కూడా హిట్టవ్వకపోతే.. అతనిక పెట్టే బేడా సర్దేసుకోవొచ్చు. కాబట్టి… ఈ సినిమాపై ఫోకస్ పెట్టి.. హిట్ చేయాలన్న తాపత్రయంతో తీర్చిదిద్దినట్టు అర్థమవుతోంది.
గీతా ఆర్ట్స్ అండదండలుండడంతో కాస్టింగ్ క్రూలో పేరున్నవాళ్లే కనిపిస్తున్నారు. లావణ్య త్రిపాఠి లక్ ఈ సినిమాకీ కలిసొస్తే.. శిరీష్ హిట్టు కొట్టేసినట్టే. దానికి తోడు టీజర్ కూడా డీసెంట్ గా ఉంది. అల్లు శిరీష్ మేకోవర్స్పష్టంగా కనిపిస్తోంది. యూత్, ఫ్యామిలీకి గాలమేసిన ఈ సినిమా… అటు శిరీష్దీ, ఇటు పరశురామ్ భవిష్యత్తుల్ని డిసైడ్ చేయనుంది. టీజర్లా సినిమా కూడా డిసెంట్గా ఉంటే.. శ్రీరస్తుకి హిట్ ప్రాప్తిరస్తు ఖాయమే.
