శ్రీలీల అంటే డాన్సులే గుర్తుకొస్తాయి. వరుస పెట్టి పెద్ద కమర్షియల్ సినిమాల అవకాశాలు రావడానికి కారణం కూడా శ్రీ లీల డాన్సింగ్ స్పెషలైజేషనే. ధమాకా సినిమాతో మొదలైన శ్రీ లీల డాన్సింగ్ మెరుపులు.. ఇప్పుడు పుష్ప2 స్పెషల్ ఐటెం సాంగ్ వరకూ వచ్చాయి. ఈ పాటతో ఆమెకు డ్యాన్సింగ్ క్వీన్ అనే ట్యాగ్ లైన్ కూడా వచ్చింది. శ్రీలీల డ్యాన్సింగ్ క్వీన్ సరే.. మరి డ్యాన్సింగ్ కింగ్ ఎవరు ? అనే ప్రశ్న ఆమెకు ఎదురైయింది

ఈ ప్రశ్నకి సమాధానం చెప్పడానికి కాస్త అలోచించింది శ్రీలీల. రాబిన్ హుడ్ ప్రెస్ మీట్ లో ఎదురైన ప్రశ్నకు సమాధానంగా మొదట పక్కనే వున్న హీరో నితిన్ పేరు చెప్పింది. రాబిన్ హుడ్ లో చేసిన ఓ మూమెంట్ అద్భుతంగా వచ్చిందని ఎదో డిప్లమాటిక్ అన్సర్ ఇవ్వడానికి ప్రయత్నించింది. ఇంతలో నితిన్ మైక్ అందుకొని.. రాబిన్ హుడ్ గురించి కాదు,. హీరోల్లో నీకు డ్యాన్సింగ్ కింగ్ ఎవరు ? అనే స్ట్రయిట్ గా అడిగాడు. దీనికి తడుముకోకుండా ‘డ్యాన్సింగ్ కింగ్ బన్నీ’ అని అన్సర్ చేసింది.

పుష్ప 2లో బన్నీ, శ్రీలీల కలసి చేసిన కిస్సిక్ సాంగ్ ప్రస్తుతం సోషల్ మీడియాలో వైరల్ అవుతున్న సంగతి తెలిసిందే. ఈ సాంగ్ లో డ్యాన్సులకు థియేటర్స్ ఊగిపోవడం ఖాయమనే నమ్మకంలో వుంది చిత్ర బృందం.