నాగ చైతన్య ‘తండేల్’ మూవీ విడుదలకు సిద్ధమవుతోంది. అల్లు అరవింద్ సమర్పణలో గీతా ఆర్ట్స్ బ్యానర్‌పై బన్నీ వాస్ నిర్మిస్తున్న ఈ సినిమా షూటింగ్ చివరికి వచ్చింది. రిలీజ్ డేట్ ని అఫీషియల్ గా అనౌన్స్ చేశారు. తండేల్ ఫిబ్రవరి 7, 2025న ప్రేక్షకుల ముందుకు రానుంది.

రిలీజ్ డేట్ ప్రెస్ మీట్ లో అల్లు అరవింద్ ఆసక్తికరమైన వాఖ్యలు చేశారు. మేము ‘తండేల్’ ను సంక్రాంతికి తేవాలని ఎప్పుడూ అనుకోలేదు. మేము ఎప్పుడూ చెప్పలేదు. డిసెంబర్ 20న తేవాలని అనుకున్నాం. అది కుదరడం లేదు. సంక్రాంతి పెద్ద సీజన్ కదా.. సినిమా తీసుకురావచ్చు కదా.. అని గత కొన్నిరోజులు గా చాలా మంది మాట్లాడుకుంటున్నారు. అయితే సంక్రాంతి సినిమాలకి ఒక ఈక్వేషన్, పద్దతి వుంది. ఆ పద్దతిని పాటించాల్సిన అవసరం వుంది. అందుకే ‘తండేల్’ని ఫిబ్రవరి 7, 2025న మీ ముందుకు తెస్తున్నాం’ అని ప్రకటించారు.