నంద‌మూరి కుటుంబం నుంచి నాలుగో త‌రం హీరో వ‌చ్చాడు. త‌నే ఎన్టీఆర్‌. నంద‌మూరి జాన‌కీరామ్ త‌న‌యుడు. నంద‌మూరి హ‌రికృష్ణ మ‌న‌వ‌డు. అల‌నాటి ఎన్టీఆర్‌కి ముని మ‌న‌వ‌డు అన్న‌మాట‌. వైవీఎస్ చౌద‌రి ద‌ర్శక‌త్వంలో తెర‌కెక్కించే సినిమాతో ఎన్టీఆర్ హీరోగా ఎంట్రీ ఇస్తున్నాడు. త్వ‌ర‌లోనే షూటింగ్ ప్రారంభం కానుంది. ఈలోగా న‌ట‌న‌కు సంబంధించిన ప‌లు అంశాల్లో శిక్ష‌ణ తీసుకొంటున్నాడు. ఈరోజు ఎన్టీఆర్ లుక్ ని రివీల్ చేశారు వైవీఎస్ చౌద‌రి. కుర్రాడు చూడ్డానికి బాగానే ఉన్నాడు. మంచి హైట్. వాయిస్ కూడా బాగుంది. అయితే ఈ ఎన్టీఆర్‌కు నంద‌మూరి కుటుంబం నుంచి ఎంత స‌పోర్ట్ ఉంటుంద‌న్న‌ది ఆస‌క్తిక‌రం.

హ‌రికృష్ణ మ‌న‌వ‌డు కాబ‌ట్టి.. త‌ప్ప‌కుండా క‌ల్యాణ్ రామ్ స‌పోర్ట్ చేస్తాడు. ఎన్టీఆర్ నుంచి కూడా ఆశీర్వాదాలు ఉంటాయి. క‌ల్యాణ్ రామ్ ఇప్ప‌టికే ట్విట్ట‌ర్‌లో త‌న శుభాకాంక్ష‌లు తెలియ‌జేశాడు. మ‌రి బాల‌కృష్ణ‌ సంగ‌తేమిటి? అనేది కీల‌కం. బాల‌య్య ఇంటి నుంచి మోక్ష‌జ్ఞ ఎంట్రీ ఇస్తున్నాడు. ఇటు ఈ ఎన్టీఆర్‌, అటు మోక్ష‌జ్ఞ సినిమాలు ఒకేసారి సెట్స్‌పైకి వెళ్తాయి. దాదాపుగా ఒకే స‌మ‌యంలో విడుద‌ల అయ్యే అవ‌కాశాలూ ఉన్నాయి. ఈ నేప‌థ్యంలో నంద‌మూరి కుటుంబం, అందులోని హీరోలూ ఈ ఎన్టీఆర్‌ని ఎలా ఆశీర్వ‌దిస్తారు? అనేది ఆస‌క్తిగా మారింది. నంద‌మూరి ఫ్యామిలీ నుంచి చాలామంది హీరోలొచ్చారు. ఈ త‌రంలో నిల‌దొక్కుకొన్న‌ది ఎన్టీఆర్‌, క‌ల్యాణ్ మాత్ర‌మే. మ‌రి నాలుగో త‌రం అదృష్టం ఎలా ఉందో? మోక్ష‌క్ష‌కు ఫుల్ స‌పోర్ట్ ఉంటుంది. ఈ విష‌యంలో ఎలాంటి అనుమానం లేదు. పైగా పెద్ద బ్యాన‌ర్‌, క్రేజ్ ఉన్న ద‌ర్శ‌కుడి చేతిలో మోక్ష‌జ్ఞ‌ని పెట్టారు. ఫ్యాన్స్ కూడా మోక్ష‌జ్ఞ ఎంట్రీ కోసమే క‌ళ్లు కాయ‌లు కాచేలా ఎదురు చూస్తున్నారు. ఇలాంటి స‌మ‌యంలో జాన‌కీరామ్ త‌న‌యుడ్ని ఫ్యాన్స్ ఎలా రిసీవ్ చేసుకొంటారు? అనేదీ ప్ర‌ధాన‌మే.