నందమూరి హీరోలంటే విశ్వక్సేన్కు చాలా అభిమానం. తను ఎన్టీఆర్కు వీరాభిమాని. బాలయ్యకూ ‘జై’ కొడతాడు. అన్స్టాపబుల్ కి వెళ్లాడు కూడా. విశ్వక్సేన్ సినిమా ‘గ్యాంగ్స్ ఆఫ్ గోదావరి’ సినిమా ప్రీ రిలీజ్ ఫంక్షన్కు బాలయ్య చీప్ గెస్ట్ గా వచ్చి, తన శుభాకాంక్షలు అందించారు. అయితే విశ్వక్కు బాలయ్య సినిమాలోనూ నటించే అవకాశం ఇలా వచ్చి, అలా చేజారిపోయింది.
బాలకృష్ణ – బాబీ కాంబినేషన్లో ఓ చిత్రం రూపుదిద్దుకొంటున్న సంగతి తెలిసిందే. సితార ఎంటర్టైన్మెంట్స్ సంస్థ నిర్మిస్తోంది. ఈ చిత్రంలో ఓ సర్ప్రైజింగ్ గెస్ట్ రోల్ రాసుకొన్నాడట బాబీ. దాన్ని… విశ్వక్తో చేయించాలన్నది ప్లాన్. ఈ విషయాన్ని చూచాయిగా విశ్వక్ ముందు ఉంచారు కూడా. విశ్వక్ కూడా బాలయ్యతో కలిసి నటించడానికి ఉత్సాహం చూపించాడట. కానీ రాను రాను బాబీ ఐడియా మారిపోయిందని తెలుస్తోంది. ఆ పాత్రకు ఓ కొత్త లుక్ ఇవ్వడంతో విశ్వక్సేన్ అవసరం లేకుండా పోయింది. ఈ ఎపిసోడ్ కూడా ఓ ట్విస్టు రూపంలో ఉంటుందని టాక్. స్క్రిప్టు దశలో రాసుకొన్నది రాసుకొన్నట్టు తీస్తే.. ఈ సినిమాలో విశ్వక్ కనిపించేవాడే. చివరి నిమిషంలో మార్పుల వల్ల, విశ్వక్కు ఈ అవకాశం చేజారింది. అయితే.. విశ్వక్ ఉత్సాహం, బాలయ్య ప్రోత్సాహం చూస్తుంటే త్వరలోనే బాలయ్య సినిమాలో విశ్వక్ కనిపించే అవకాశాలు పుష్కలంగా ఉన్నాయి. ఇప్పుడు కాకపోయినా ఎప్పుడో ఒకప్పుడు ఈ కాంబో చూడడం ఖాయం. సంక్రాంతికి బాలయ్య సినిమా విడుదల కానున్న సంగతి తెలిసిందే. జనవరి 12న ఈ సినిమా ప్రేక్షకుల ముందుకు వచ్చే అవకాశం ఉంది. ఈ దీపావళికి టైటిల్ తో పాటు రిలీజ్ డేట్ కూడా ఖాయం చేస్తారు. ‘డాకూ మహరాజ్’ అనే టైటిల్ ఫిక్సయ్యే అవకాశాలు ఉన్నాయి.
