‘ఖైదీ’, ‘విక్రమ్’, లియో సినిమాలతో పాన్ ఇండియా ఫేమ్ సొంతం చేసుకున్న దర్శకుడు లోకేశ్ కనగరాజ్. ప్రస్తుతం సూపర్ స్టార్ రజనీతో ఆయన తెరకెక్కిస్తోన్న చిత్రం ‘కూలీ’. ఈ సినిమా స్టార్స్ తో నిండిపోతోంది. అక్కినేని నాగార్జున, ఉపేంద్ర, సౌబిన్ షాహిర్ ఇలా అన్నీ పరిశ్రమల నుంచి ప్రముఖ నటులు ఇందులో కీలక పాత్రలు పోషిస్తున్నారు.
ఇప్పుడు మిస్టర్ పర్ఫెక్షనిస్ట్ అమీర్ ఖాన్ కూడా కూలీలో చేరారని తెలుస్తోంది. కూలీలో ఓ ముఖ్యమైన క్యామియో వుంది. ఈ పాత్ర కోసం ఆమీర్ ని సంప్రదించగా ఆయన గ్రీన్ సిగ్నల్ ఇచ్చారని టాక్. అక్టోబర్ 15 నుంచి తన పోర్షన్ షూట్ చేస్తారని తెలుస్తోంది.
కూలీ సినిమా’లోకేశ్ సినిమాటిక్ యూనివర్స్’’ భాగం కాదు. స్టాండ్ ఎలోన్ మూవీనే. అయితే లోకేష్ మాత్రం సినిమా స్కేల్ లో నెక్స్ట్ లెవల్ కి తీసుకెలుతున్నారు. లోకేష్ ప్లాన్ చూస్తుంటే అన్ని పరిశ్రమల్లో ఓపెనింగ్స్ అదిరిపోయేలా కూలీని తీర్చిదిద్దుతున్నట్లు అర్ధమౌతోంది.
