బాలకృష్ణ – బాబి కాంబోలో ఓ సినిమా రూపుదిద్దుకొంటున్న సంగతి తెలిసిందే. ఈదసరాకు టైటిల్ బయటకు వస్తుందనుకొన్నారు. కానీ టైటిల్ తెలుసుకోవాలంటే దీపావళి వరకూ ఆగాల్సిందే. దీపావళి సందర్భంగా టీజర్ విడుదల చేయడంతో పాటు, టైటిల్ కూడా రివీల్ చేయబోతున్నారు. ఈ చిత్రాన్ని సంక్రాంతి కానుకగా విడుదల చేయడానికి రంగం సిద్ధమైంది. బాలయ్యకు సంక్రాంతి సెంటిమెంట్ ఎక్కువ. ఈ మధ్య ప్రతీ సంక్రాంతికీ బాలయ్య నుంచి ఓ సినిమా రావడడం, అది హిట్టవ్వడం రివాజుగా మారుతోంది. ఈ సంక్రాంతికీ.. బాలయ్య సినిమా బరిలో ఉండడం ఖాయం. జనవరి 13న ఈ చిత్రాన్ని విడుదల చేసే అవకాశం ఉంది. రిలీజ్ డేట్ ఈ రోజు అధికారికంగా ప్రకటిస్తారు.
అయితే ఈ చిత్రం కోసం రెండు టైటిళ్లు పరిశీలిస్తున్నట్టు వార్తలొస్తున్నాయి. ‘డాకూ మహారాజా’, ‘సర్కార్ సీతారామ్’… ఈ రెండింటిలో ఒకటి ఫిక్స్ చేసే అవకాశాలు కనిపిస్తున్నాయి. ఈ చిత్రంలో బాలయ్య బంధిపోటు తరహా పాత్ర పోషిస్తున్నారు. అందుకే డాకూ మహారాజాకి ఓటేసే ఛాన్సుంది. ఆ టైటిల్ క్లాస్కి ఎక్కదనుకొంటే.. సర్కార్ సీతారామ్ కి ఓటేసే ఛాన్సుంది. ఈ రెండింటిలో ఏ టైటిల్ ఫిక్స్ చేశారన్నది దీపావళికి తెలుస్తుంది. ఫ్యాన్స్ అయితే డాకూ మహారాజానే బాగుందని ఫీడ్ బ్యాక్ ఇస్తున్నారు. అభిమానుల అభిప్రాయాన్ని పరిగణలోకి తీసుకొంటే మాత్రం డాకూనే ఖరారు చేసే అవకాశాలు ఉన్నాయి.
