తన హీరోయిజాన్ని కేవలం వెండి తెరకే పరిమితం చేయలేదు పవన్ కల్యాణ్. నిజ జీవితంలోనూ హీరో అనిపించుకొన్నాడు. పవన్ కల్యాణ్ని ఇన్ని కోట్లమంది ఆరాధించడానికీ, అతని నిజాయతీ కీర్తించడానికి కారణం ఇదే. పావలా శ్యామలా ఇబ్బందుల్లో ఉంటే తక్షణం ఆర్థిక సహాయం చేసిన వైనం గుర్తుండే ఉంటుంది. ఇప్పుడు అలాంటి సంఘటనే జరిగింది..పవన్ మంచితనానికి నిలువెత్తు నిదర్శనం దొరికింది. పవన్కి నటనకు సంబంధించిన పాఠాలు నేర్పిన గురువు సత్యానంద్, పవన్కే కాదు, చాలామంది స్టార్ హీరోలతో ఆయన ఓనమాలు దిద్దించారు. పవన్కీ.. నటనలో ఆయనే గురువు. సినిమాల్లోకి వచ్చి, స్టార్ అయిన తరవాత కూడా తన గురువుని మర్చిపోలేదు పవన్. వీలున్నప్పుడల్లా ఫోన్లో పలకరిస్తూ, యోగ క్షేమాలు తెలుసుకొంటూనే వస్తున్నాడట.
సత్యానంద్ తన చెల్లాయి పెళ్లి చేయడానికి తెగ ఇబ్బంది పడుతున్నాడని, ఆర్థికంగా బాగా చితికిపోయాడని తెలుసుకొన్న పవన్… అప్పటికప్పుడు రూ.50 వేల రూపాయలు అందించాడట. అంతేకాదు.. పెళ్లి వెళ్లి, ఆ నవదంపతుల్ని ఆశీర్వదించి వస్తూ వస్తూ మరికొంత నగదు చేతిలో పెట్టి వచ్చాడట. అడిగినా సహాయం చేయని ఈరోజుల్లో పవన్ తనకు అడక్కుండానే సహాయం చేశాడని, క్లిష్టమైన పరిస్థితుల్లో ఉన్నప్పుడు అర్థికంగా ఆదుకొన్నాడని సత్యానంద్ పొంగిపోతున్నాడు. పవన్ ఇలా గురువు రుణం తీరచుకొన్నాడన్నమాట. దటీజ్ పవన్.
