నందమూరి బాలకృష్ణ.. గౌతమిపుత్ర శాతకర్ణి ఎప్పటికప్పుడు వార్తల్లో నిలుస్తూ తన ప్రత్యేకత చాటుకొంటోంది. బాలయ్య వందో సినిమా కాబట్టి… అభిమానులు ఈ సినిమాపై ప్రత్యేక దృష్టి పెట్టారు. బాలకృష్ణ కూడా ఈ చిత్రాన్ని ప్రతిష్టాత్మకంగా తీసుకొన్నారు. అందుకే హేమామాలినీ లాంటి స్టార్లతో ఈ సినిమా కళకళలాడుతోంది. ఈ సినిమాలో రానా కూడా నటిస్తున్నారన్న వార్తలు కూడా వచ్చాయి. ఇది బాలయ్యకు ప్రత్యేకమైన సినిమా కాబట్టి, దర్శకుడు క్రిష్కీ, రానాకీ మధ్య మంచి రిలేషన్ ఉంది కాబట్టి… ఆ వార్త నిజమే కాబోసు అనుకొన్నారంతా. అయితే.. ఈ వార్తల్లో ఏమాత్రం నిజం లేదని చిత్రబృందం క్లారిటీ ఇచ్చింది.
మా సినిమాలో రానా నటిస్తున్నాడన్న వార్తలో నిజం లేదు. అసలు ఆ ఆలోచనే మాకు రాలేదు.. అంటూ క్రిష్ క్లారిటీ ఇచ్చేశారు. మొరాకో షెడ్యూల్ ముగించుకొన్న గౌతమి పుత్ర టీమ్ ఈరోజు ఇండియా రానుంది. జూన్ 1 నుంచి హైదరాబాద్లో కొత్త షెడ్యూల్ మొదలవుతుంది. దేవిశ్రీ ప్రసాద్ సంగీతం అందిస్తున్న ఈ చిత్రాన్ని 2017 జనవరిలో విడుదల చేయడానికి చిత్రబృందం సన్నాహాలు చేసుకొంటోంది.
