కాజల్, సమంత, ప్రణీత… బ్రహ్మోత్సవంలో అంతగత్తెలు వీళ్లు. ముగ్గురు హీరోయిన్లతో మహేష్ బాబు సరసాలు ఆడిన సినిమా ఇది. అయితే బ్రహ్మోత్సవం ప్రమోషన్లలో కాజల్, సమంత కనిపిస్తున్నారు గానీ… ప్రణీత మాత్రం కానరావడం లేదు. ఇప్పటి వరకూ ప్రణీత బ్రహ్మోత్సవానికి సంబంధించి ఒక్క కామెంట్ కూడా చేసింది లేదు. ఆమెను కావాలనే చిత్రబృందం పక్కన పెట్టిందని, అందుకే ప్రమోషన్లలో ప్రణీత కనిపించడం లేదని టాక్. బ్రహ్మోత్సవం ఆడియో ఫంక్షన్లోనే ప్రణీతకు అవమానం జరిగిపోయింది.
ప్రణీతకు వేదికపై అంత స్కోప్ ఇవ్వలేదు. ప్రణీత పేరు ఎవ్వరూ ఉచ్ఛరించిందీ లేదు. దాంతో ప్రణీత అలిగింది. దాంతో పాటు ఈ సినిమాలో ఆమె పాత్రకున్న ప్రాధాన్యం అంతంత మాత్రమే. గుంపులో గోవిందమ్మ టైపు పాత్ర. ఇచ్చిన డైలాగులూ తక్కువేనట. ఈ మాత్రం దానికి నేనేం మాట్లాడాలి?? అని ప్రణీత ఫీలవుతుందట. ఉన్నవాళ్లే ఎక్కువైపోయారు, ఇక ప్రణీత ప్రమోషన్ల వల్ల సినిమాకి అదనంగా కలిసొచ్చింది లేదు అని చిత్రబృందం కూడా ఈ అమ్మడిని లైట్ తీసుకొంది. దాంతో.. బ్రహ్మోత్సవం ప్రమోషన్ల నుంచి ప్రణీత మాయమైపోయింది. ఈసినిమా హిట్టయితే అప్పుడైనా ప్రణీత కాస్త బయటకు వస్తుందేమో చూడాలి.
