కొత్తదనం ఉన్న కథల్ని ఎంచుకొంటూ, పరుగులు పెడుతున్నాడు సందీప్ కిషన్. తనో సినిమా చేస్తున్నాడంటే కథలో ఏదో ఓ థ్రిల్లింగ్ పాయింట్ ఉంటుందని ఫిక్స్ అయిపోయారు జనాలు. సినిమా హిట్టయినా, ఫ్లాప్ అయినా. పాయింట్ పరంగా నావెల్టీ ఉన్న సబ్జెక్ట్స్ని ఎంచుకొంటున్నాడు సందీప్. ప్రస్తుతం తాను చేస్తున్న ఒక్క అమ్మాయి తప్ప కూడా అలాంటి కథే! నిత్యమీనన్ కథానాయికగా నటిస్తున్న ఈ చిత్రానికి రాజసింహా దర్శకుడు. ఈ కథలో కొత్తదనం ఏంటంటే.. సినిమాలో 60 శాతం షూటింగ్ హైటెక్ సిటీ ఫ్లైఓవర్పై జరిగిందట. సగం సినిమా ఫ్లైఓవర్ నేపథ్యంలోనే ఉంటుందని.. ఇది ట్రాఫిక్ జామ్ లో జరిగే కథ అని సందీప్ కిషన్ చెబుతున్నాడు. లైన్ వింటుంటూనే చాలా థ్రిల్లింగ్గా అనిపిస్తోంది. మరి రాజసింహా ఎలా తీశాడో మరి.
”2012 సంవత్సరంలోనే రాజసింహా ఈ కథ నాకు చెప్పాడు. అయితే.. చాలా టిపికల్ పాయింట్ ఇది. దాన్ని ఎలా ప్రజెంట్ చేస్తాడో అనిపించింది. కథపై బాగా నమ్మకం కుదిరాకే.. సెట్స్పైకి తీసుకొచ్చాం. ఫ్లై ఓవర్ నేపథ్యంలో సినిమా తీయడం మామూలు విషయం కాదు. కథ చెప్పి మేం నమ్మించాలి. అందుకోసం మేం చాలా కష్టపడ్డాం. ఆ కష్టానికి తగిన ఫలితం వస్తుందన్న నమ్మకం ఉంద”న్నాడు. అన్నట్టు శనివారం సందీప్ కిషన్ పుట్టిన రోజు, ఈ యంగ్ హీరోకి బర్త్డే విషెస్ చెప్పేయండి.
