రూ.50 కోట్లు, రూ.100 కోట్లు, రూ.150 కోట్లు.. ఇలా తెలుగు సినిమా రేంజ్ పెరుగుతూ ఉంది. బాహుబలి రూ.600 కోట్లు కొట్టినా, ప్రతీసారీ ఈమ్యాజిక్ సాధ్యం కాదు. కానీ సినిమా బాగుంది అన్నటాక్ వస్తే.. వంద కోట్లు ఎగరేసుకుపోవడం ఖాయం. శ్రీమంతుడులా సూపర్ హిట్టయితే.. రూ.150 కోట్లు కొల్లగొట్టేస్తుంది. ప్రస్తుతం చిరంజీవి టార్గెట్ కూడా రూ.150 కోట్లేనట. ఈ విషయమేమీ గాలి వార్త కాదు. స్వయంగా మెగా హీరో అల్లు అర్జున్ ఫిక్స్ చేసిన టార్గెట్ ఇది. చిరంజీవి 150 వ సినిమా 150 కోట్లు సాధించి తీరాలని బన్నీ చెబుతున్నాడు. చిరంజీవి దగ్గర బన్నీ ఈ విషయాన్ని ప్రస్తావించాడట కూడా.
”మరోసారి ఫామ్ లోకి వస్తున్నారు.. ఈసారి 150వ సినిమా కాబట్టి.. 150 కోట్లు కొట్టాల్సిందే” అంటూ చిరంజీవి చేయి పట్టుకొని చెప్పాడట బన్నీ. ఈ విషయాన్ని సరైనోడు సక్సెస్మీట్లో బన్నీనే స్వయంగా చెప్పాడు. చిరు సినిమాకి రూ.150 కోట్లు తెచ్చిపెట్టేందుకు మనమంతా కలసి కృషి చేయాలి.. అంటూ మెగా ఫ్యాన్స్ దగ్గర మాట తీసుకొన్నాడు. అంటే.. చిరంజీవి టార్గెట్ ఫిక్సయపోయిందటన్నమాట. రూ.150వ సినిమాకి రూ.150 కోట్లు. అంకెలు బాగానే ఉన్నాయి.. మరి వర్కవుట్ అవుతుందంటారా??
