గౌతమిపుత్ర శాతకర్ణి ప్రారంభోత్సవ కార్యక్రమం అంగరంగ వైభవంగా జరిగింది. సినీ, రాజకీయ ప్రముఖులు ఈ కార్యక్రమంలో పాల్గొన్ని వన్నె తెచ్చారు. బాలయ్య కోసం చిరంజీవి కూడా గొప్పగా మాట్లాడ్డం ఇరు అభిమానులకూ తెగ నచ్చింది. వెంకటేష్ కూడా వచ్చి శుభాకాంక్షలు అందించారు. అయితే.. ఈ వేడుకకు నాగార్జున ఎందుకు రాలేదు? అన్న అసక్తికరమైన చర్చ మొదలైంది. హైదరాబాద్లో అదీ అన్నపూర్ణ స్టూడియోస్లో జరిగిన వేడుక ఇది. మరి.. నాగ్ ఎందుకు రాలేదు?? బాలయ్య ఆహ్వానం పంపలేదా, పంపినా నాగ్ రాలేదా? ఇలా కొన్ని ప్రశ్నలు టాలీవుడ్లో చక్కర్లు కొడుతున్నాయి.
చిరంజీవి, బాలకృష్ణ, నాగార్జున, వెంకటేష్.. వీళ్లంతా ఓ తరం కథానాయకులు. తెలుగు చిత్రసీమకు దశాబ్దాల పాటు మూల స్థంభాలుగా నిలిచినవాళ్లు. అందుకే తన తోటి కథానాయకులు చిరంజీవి, వెంకటేష్లకు ఈ కార్యక్రమానికి ఆహ్వానించాడు. వాళ్లతో స్విచ్చాన్ కూడా చేయించాడు. మరి నాగ్ని ఎందుకు మరిచినట్టు? ఇటీవల సుబ్బిరామిరెడ్డి అవార్డు వేడుకలో నాగార్జునకీ బాలయ్య ఓ విషయంలో మాటా మాటా అనుకొన్నారని, అప్పటి నుంచీ.. ఇద్దరి మధ్యా మాటల్లేవని తెలుస్తోంది. అందుకే… బాలయ్య నాగ్కి ఆహ్వానం పంపలేదట… అని టాలీవుడ్లో
చెవులు కొరుక్కొంటున్నారు. మరి.. నిజమేంటో ఈ హీరోలకే తెలియాలి.
