సినిమా వాళ్లు ఎన్ని ప్రయత్నాలు చేస్తున్నా సరే పైరసీ భూతాన్ని మాత్రం ఏం చేయలేకపోతున్నారు. అంతేకాదు రిలీజ్ అయిన ఒక్కరోజు లోనే పైరసీ సిడిలు వీర విహారం చేస్తున్నాయి. ఇలాంటి ఘటనే ఇటీవల తిరుచ్చి నుండి తంజావూరు వెళ్లే బస్సులో జరిగింది. కోలీవుడ్ స్టార్ హీరో ఇళయదళపతి విజయ్ నటించిన ‘తేరి’ సినిమా గురువారం రిలీజ్ అయ్యింది. శనివారం ఈ సినిమాను తమ ఏసి బస్సులో ప్రయాణీకుల కోసం పైరసీ సిడిని ప్రదర్శించడం జరిగిందట. అయితే బస్సులో ఉన్న విజయ్ అభిమాని ఒకరు తంజావూరులో తమ అభిమాన సంఘానికి ఫోన్ చేసి విషయం చెప్పి అక్కడకు వెళ్లిన తర్వాత బస్సు మొత్తం వెతికించి ఆ సిడిలను స్వాధీనం చేసుకుని పోలీస్ కంప్లైంట్ ఇచ్చారట.
విజయ్ హీరోగా నటించిన తేరి సినిమాలో సమంత, అమీ జాక్సన్ హీరోయిన్స్ గా నటించగా.. అలనాటి స్టార్ హీరోయిన్ మీనా కూతురు నైనిక కూడా నటించింది. అట్లీ దర్శకత్వంలో వచ్చిన ఈ సినిమాకు జి.వి.ప్రకాశ్ మ్యూజిక్ అందించగా కళైపులి ఎస్.థను నిర్మించడం జరిగింది. ఇదే సినిమా తెలుగులో పోలీస్ గా ప్రేక్షకుల ముందుకు వచ్చింది.
