ప‌వ‌న్ క‌ల్యాణ్ సినిమా అంటే.. వ‌సూళ్ల జాత‌రే. సినిమా నిల‌బ‌డిందంటే రికార్డులు బ‌ద్ద‌ల‌వ్వాల్సిందే. స‌ర్దార్ గ‌బ్బ‌ర్ సింగ్ పైనా అభిమానుల్లో అన్నే అంచ‌నాలున్నాయి. ప‌వ‌న్ క‌ల్యాణ్ సినిమా రికార్డులు సృష్టించం ఖాయ‌మ‌ని… ఆశ‌ల ప‌ల్ల‌కిలో ఊరేగుతున్నారు ప‌వ‌న్ ఫ్యాన్స్‌. అందుకు త‌గ్గ‌ట్టే ప‌వ‌న్ సినిమా రికార్డుల బోణీ కొట్టింది. ప‌వ‌న్ పేరిట తొలి రికార్డ్ న‌మోదైంది. వివ‌రాల్లోకి వెళ్తే..

శుక్ర‌వారం స‌ర్దార్ సినిమా విడుద‌ల కానుంది. గురువారం రాత్రి నుంచే బెనిఫిట్ షోల హంగామా మొద‌లైపోతుంది. ఆంధ్ర‌, తెలంగాణ రాష్రాల్లో క‌ల‌సి దాదాపు 250 థియేట‌ర్ల‌లో బెనిఫిట్ షోలు ప‌డుతున్నాయి. ఓ సినిమాకి ఇంత పెద్ద స్థాయిలో బెనిఫిట్ షోలు వేయడం ఇదే తొలిసారి. ఆ ర‌కంగా స‌ర్దార్ పేరిట తొలి రికార్డు న‌మోదైన‌ట్టే. షో గురువారం రాత్రి 1 గంట‌కు ప్రారంభించాల‌ని.. చిత్ర‌బృందం నిర్ణ‌యించుకొంది. అంటే.. తెల్లారేలోగా స‌ర్దార్ టాక్ బ‌య‌ట‌కు వ‌చ్చేస్తుంద‌న్న‌మాట‌. బెనిఫిట్ షోల ద్వారానే దాదాపుగా రూ.3 కోట్ల వ‌ర‌కూ రాబ‌ట్టాల‌ని చిత్ర‌బృందం ప్లాన్ వేసింది. మ‌రి ఈ విష‌యంలో స‌ర్దార్ అనుకొన్న ల‌క్ష్యాన్ని సాధిస్తాడో, లేదో చూడాలి.