సుధీర్ బాబు అన్నీ జోనర్స్ ని ప్రయత్నిస్తున్నారు. ఇటివలే హరోం హరతో ఓ యాక్షన్ సినిమా చేశారు. ఇప్పుడు హోల్సమ్ ఫ్యామిలీ ఎంటర్టైనర్ ‘మా నాన్న సూపర్ హీరో’ తో వస్తున్నారు. అభిలాష్ రెడ్డి కంకర దర్శకత్వంలో సునీల్ బలుసు ఈ చిత్రాన్ని నిర్మిస్తున్నారు.
తాజాగా టీజర్ ని రిలీజ్ చేశారు. తండ్రిని అమితంగా ప్రేమించే కొడుకు పాత్రలో కనిపించారు సుధీర్ బాబు. టీజర్ లో ఓ టీజింగ్ ఎలిమెంట్ వుంది. సాయాజీ షిండే, సాయి చంద్ ని ‘నాన్న’ అని పిలుస్తుంటాడు. సాయాజీ షిండే సుదీర్ బాబుపై చిరాకు పడుతుంటే.. సాయి చంద్ పాత్ర మాత్రం ప్రేమగా వుంటుంది. మరి ఇందులో అసలు ఫాదర్ ఎవరు అనేది సస్పెన్స్.
తనకి క్యాన్సర్ వుందని తండ్రి వేరే దగ్గర డబ్బు గుంజుకున్నాడని తెలిసి సుదీర్ బాబు నవ్వుతూ ఆ సంగతి తీసుకోవడం, క్యాన్సర్ వున్నట్లు దగ్గడం టీజర్ లో ఎమోషనల్ పాయింట్స్. తండ్రి కొడుకు నేపధ్యంలో సాగే ఎమోషనల్ డ్రామా ఇది. పాయింట్ అయితే కొత్తగానే వుంది. ఇలాంటి కథలు ఈ మధ్య కాలంలో రాలేదు. ఎమోషన్ వర్క్ అవుట్ ఐతే ఇలాంటి సినిమాలు మంచి ఫలితాలు ఇస్తాయి. మరి ఇందులో ఎమోషన్ ఏమిటి అనేది అక్టోబర్ 11 న తెలుస్తుంది.
