సింహ కోడూరి, సత్య లీడ్ రోల్స్ లో రితేష్ రానా దర్శకత్వంలో వచ్చిన సినిమా ‘మత్తు వదలరా’. ఎలాంటి అంచనాలు లేకుండా వచ్చిన ఈ సినిమా మంచి విజయాన్ని సాధించింది. కాన్సెప్ట్, కామెడీ, క్రైమ్ ఎలిమెంట్ తో తనకంటూ ఒక మార్క్ ని తెచ్చుకున్నాడు దర్శకుడు రితేష్ రానా. ఇప్పుడీ సినిమాకి సీక్వెల్ గా ‘మత్తు వదలరా2` వస్తోంది. ఈ రోజు టీజర్ ని రిలీజ్ చేశారు.
పార్ట్ 1 లో డెలివరీ ఏజెంట్లు బాబు (శ్రీసింహ), యేసు (సత్య) ఈసారి స్పెషల్ ఏజెంట్లు గా అలరించబోతున్నారని టీజర్ లోనే చెప్పేశారు. అయితే ట్రీట్మెంట్ పరంగా ఈ సీక్వెల్ పూర్తి భిన్నంగావుంది. రితిష్ రానా హ్యాపీ బర్త్ డే సినిమా తీశాడు. ఆ సినిమా ఛాయాలు ఈ టీజర్ లో కనిపించాయి. ఈ సీక్వెల్ లో ఫారియా అబ్దుల్లా కొత్తగా యాడ్ అయ్యింది. అమెది కూడా ఏజెంట్ పాత్రే.
సత్య ట్రేడ్ మార్క్ ‘దొంగతనం కాదు తస్కరించుట’ అనే డైలాగు మళ్ళీ ట్రంప్ కార్డ్ లా వాడారు. రితిష్ రానా ఈసారి మీమ్స్ ని ఎక్కువగా వాడినట్లు టీజర్ చూస్తే అర్ధమౌతోంది. ‘అరవొద్దు.. ఇట్స్ సీరియస్ మేటర్’ అంటూ వెన్నెల కిషోర్ నవ్వించాడు. ఇక చివర్లో సీరియల్ ట్రాక్ చూపించారు. పార్ట్ వన్ లో ఆ ట్రాక్ మేజర్ హైలెట్ గా నిలిచింది. మళ్ళీ అలాంటి ట్రాక్ ని సెట్ చేశారు. కేవలం నవ్వించడమే పనిగా పెట్టుకున్నారని టీజర్ చూస్తే అర్ధమౌతోంది. మరా నవ్వులు థియేటర్ లో ఎలా పండుతాయో చూడాలి. సెప్టెంబర్ 13న సినిమా విడుదల కానుంది.
