‘పిల్ల జమిందార్’, ‘భాగమతి’ సినిమాలతో ఆకట్టుకొన్న దర్శకుడు అశోక్. కొంత విరామం తరవాత మళ్లీ మెగా ఫోన్ పట్టారు. ఆయన నుంచి వస్తున్న కొత్త సినిమాకు ‘ఎస్ బాస్’ అనే పేరు పెట్టారు. హవీష్ కథానాయకుడు. కోనేరు సత్యనారాయణ నిర్మాత. ఈరోజు హవీష్ పుట్టిన రోజు. ఈ సందర్భంగా ఎస్ బాస్ టైటిల్ ప్రకటించారు. ఫస్ట్ లుక్ పోస్టర్ కూడా ఆవిష్కరించారు. హవీష్ లుక్ కూల్గా ఉంది. పోస్టర్ చూస్తుంటే కాలేజీ నేపథ్యంలో సాగే కథలా అనిపిస్తోంది. ఆకుల శివ ఈ చిత్రానికి కథ అందించారు. అనూప్ రూబెన్స్ సంగీతాన్ని సమకూరుస్తున్నారు. కబీర్లాల్ కెమెరామెన్గా పని చేస్తున్నారు. పూర్తయ్యింది. త్వరలోనే టీజర్ విడుదల చేస్తారు.
2011లో రవిబాబు ‘నువ్విలా’తో హీరోగా పరిచయం అయ్యాడు హవీష్. జీనియస్, వస్తా నీ వెనుక, రామ్ లీలా, సెవెన్ లాంటి చిత్రాల్లో నటించాడు. కథానాయకుడిగా ‘ఎస్.బాస్’ ఆరో సినిమా. త్వరలోనే ఈ చిత్రానికి సంబంధించిన పూర్తి వివరాలు వెల్లడిస్తారు.
