జగన్మోహన్ రెడ్డి లండన్ లో ఉన్నారు. మెల్లగా వైసీపీకి చెందిన బలగం అంతా లండన్ చేరుకుంటోంది. సజ్జల రామకృష్ణారెడ్డి కూడా అక్కడే ఉన్నారన్న గుసగుసలు వినిపిస్తున్నాయి. మిగతా వారిలా ఆయన బయటపడరు.. సీక్రెట్ గా తనను తాను కాపాడుకునే పనులు చేస్తారు. అందుకే ఆయన లండన్ చేరిన విషయం బయటకు రాలేదు. కానీ పలువురు నేతలు మాత్రం మెల్లగా లండన్ చేరుకుంటున్నారు. తమ వాడు ఎంతో ప్రమాదంలో ఉన్నారని ఆవేదన చెందుతున్నారు.

ఏఏజీ పొన్నవోలు రెడ్డిగారు కూడా లండన్ చేరుకున్నారు. ఆయన అక్కడ కొంత మంది వైసీపీ సోషల్ మీడియా వారితో సమవేశమయ్యారు. ఈ సందర్భంగా కన్నీరు పెట్టుకున్నారు. రెడ్డిజాతి ఆంతా సమైక్యంగా ఉండి జగన్ ను కాపాడుకోవాలన్నారు. అసలు పొన్నవోలు ఈ టైంలో లండన్ ఎందుకు కోవాలి.. అక్కడ జగన్ ను కాపాడుకోవాలని ఎందుకు ఎడవాలన్నది సస్పెన్స్ గా మారింది. మరికొంత మంది వైసీపీ ప్రముఖులు కూడా లండన్ చేరుకుంటున్నారని వైసీపీ వర్గాలు చెబుతున్నాయి.

దెందులూరు ఎమ్మెల్యే అబ్బయ్య చౌదరి లండన్ కేంద్రంగానే తన జీవితాన్ని లీడ్ చేస్తున్నారు. ఉద్యోగం చేస్తారో.. వ్యాపారం చేస్తారో కానీ ఆయన ఎమ్మెల్యేగా దెందులూరులో ఉన్నదాని కన్నా… లండన్ లో ఉండేది ఎక్కువ. ఇప్పుడు లండన్ చేరుకుంటున్న వైసీపీ నేతలందరికీ ఆయన కావాల్సిన ఏర్పాట్లు చేస్తున్నారని అంటున్నారు. వస్తే వచ్చారు కానీ… ఎందుకు ఈ సమయంలో లండన్ వస్తున్నారన్నది సస్పెన్స్‌గా మారింది.