అదేంటో… అందరి దృష్టీ ఈనెల 31 మీదే పడింది. ఆ రోజున ‘గ్యాంగ్స్ ఆఫ్ గోదావరి’, ‘గం గం గణేశా’, ‘భజే వాయు వేగం’, ‘సత్యభామ’, ‘హరోం హర’ సినిమాలు విడుదలకు సిద్ధమయ్యాయి. అయితే ఒకే రోజు ఇన్ని సినిమాలు రావడం అంత మంచి విషయం కాదు. పోటీ మధ్య కొన్ని సినిమాలు నలిగిపోతాయి. అందుకే ‘హరోం హర’ సినిమా వాయిదా పడింది. జూన్ 14న ఈ చిత్రాన్ని విడుదల చేస్తామని చిత్రబృందం ప్రకటించింది. ఇప్పుడు ఇదే బాటలో ‘సత్యభామ’ కూడా నడుస్తోంది. ఈ చిత్రాన్ని కూడా వాయిదా వేస్తున్నారని, జూన్ 7న విడుదల చేస్తారని తెలుస్తోంది. అధికారిక సమాచారం రావాల్సివుంది.
కాజల్ పోలీస్ ఆఫీసర్గా నటించిన సినిమా ఇది. టీజర్, ట్రైలర్ ఆకట్టుకొన్నాయి. కాజల్ ని చాలా స్ట్రాంగ్ క్యారెక్టర్లో చూపిస్తున్నారన్న సంగతి అర్థమైంది. ఈమధ్య వచ్చిన లేడీ ఓరియెంటెడ్ సినిమాల్లో కాస్త బజ్ ఈ సినిమాకే ఉంది. దాన్ని ఎలాగైనా కాపాడుకోవాలని చిత్రబృందం భావిస్తోంది. అందుకే.. కాస్త ఆలస్యమైనా సరే, తక్కువ పోటీలో ఈ సినిమాని విడుదల చేయాలనుకొంటోంది. అందుకే జూన్J 7కు షిఫ్ట్ అయ్యింది. రేపో, మాపో.. అధికారిక ప్రకటన రావొచ్చు. సో.. ఈనెల 31న మూడు సినిమాలే బరిలో ఉంటాయన్న మాట. వాటి మధ్యే పోటీ నెలకొంది.
