చిరంజీవి – వశిష్ట కాంబినేషన్లో రూపుదిద్దుకొంటున్న చిత్రం ‘విశ్వంభర’. త్రిష కథానాయికగా నటిస్తున్న ఈ చిత్రాన్ని యూవీ క్రియేషన్స్ భారీ బడ్జెట్తో రూపుదిద్దుకొంటోంది. ప్రస్తుతం షూటింగ్ శరవేగంగా సాగుతోంది. 2025 సంక్రాంతికి ఈ చిత్రాన్ని విడుదల చేస్తున్నారు. అయితే ఈ సినిమా టీమ్లో ఓ కీలకమైన మార్పు చోటు చేసుకొంది. ఈ చిత్రానికి సంభాషణలు అందిస్తున్న బుర్రా సాయిమాధవ్ టీమ్ నుంచి తప్పుకొన్నారు. ఆయన స్థానంలో మరో రచయిత టీమ్లో చేరారు. ఆయన ఎవరన్నది తేలాల్సివుంది. ఇప్పటికే కొంతమేర షూటింగ్ సాగింది. కొన్ని సన్నివేశాల్ని బుర్రా సాయిమాధవ్ రాశారు కూడా. అయితే ఇప్పుడు ఆయన టీమ్లో లేరు. కారణాలు తెలియాల్సివుంది.
బుర్రా చేతిలో ఇప్పుడు చాలా సినిమాలున్నాయి. ‘కల్కి’ చిత్రానికి ఆయనే సంభాషణలు అందిస్తున్నారు. నిర్మాతగానూ అడుగుపెట్టబోతున్నారు. త్వరలోనే నిర్మాతగా ఓ కొత్త సినిమాని అధికారికంగా ప్రకటించనున్నారు.
