‘గుంటూరు కారం’లో సూప‌ర్ స్టార్ కృష్ణ రిఫ‌రెన్సులు ఉండ‌బోతున్నాయ‌ని తెలుగు 360 ముందే చెప్పింది. దీనిపై ఇప్పుడు నిర్మాత నాగ‌వంశీ క్లారిటీ ఇచ్చేశారు. ఓ ఫైటులో ఇద్ద‌రు సూప‌ర్ స్టార్లని చూసిన ఫీలింగ్ వ‌స్తుంద‌ని అభిమానుల‌కు ఓ స్వీట్ న్యూస్ అందించారు. ఈనెల 12న ‘గుంటూరు కారం’ విడుదల అవుతున్న సంగ‌తి తెలిసిందే. ఈ సినిమాపై నాగ‌వంశీ సూప‌ర్ కాన్ఫిడెన్స్‌తో ఉన్నారు. ఫ‌స్టాఫ్ చాలా బాగా వ‌చ్చింద‌ని, చివ‌రి 45 నిమిషాలూ అదిరిపోయింద‌ని, కుర్చీ మ‌డ‌త పెట్టి పాట‌, ఎమోష‌న్ సీన్స్‌, యాక్ష‌న్‌… ఇవ‌న్నీ బాగా పండాయ‌ని, ఆర్‌.ఆర్ విష‌యంలో త‌మ‌న్ విజృంభించాడ‌ని – ఈ సినిమా గురించి ఆలోచించే ప‌నే లేద‌ని, అభిమానుల‌కు భ‌రోసా ఇచ్చేశాడు నాగ‌వంశీ. ఈ సినిమా ఎట్టి ప‌రిస్థితుల్లోనూ త‌ప్పు చేయ‌ద‌ని, థియేట‌ర్లు కూడా కావ‌ల్సిన‌న్ని ఉన్నాయ‌ని, అన్ని చోట్లా మంచి థియేట‌ర్లే దొరికాయ‌ని ఫ్యాన్స్‌కి మాటిచ్చారు. హైద‌రాబాద్ లో ఫ్యాన్స్ షోకి కూడా భారీగా ప్లాన్ చేస్తున్నామ‌ని, ఆ థియేట‌ర్ల లిస్ట్ త్వ‌ర‌లోనే ఇస్తామ‌ని చెప్పుకొచ్చారు నాగ‌వంశీ. నైజాంలో ఈ సినిమాని దిల్ రాజు విడుద‌ల చేస్తున్నారు. మిగిలిన చోట్ల కూడా అనుభ‌వం ఉన్న డిస్టిబ్యూట‌ర్ల చేతిలోనే సినిమా ఉంది. కొన్ని ఏరియాల్లో హారిక‌, హాసిని సొంతంగా విడుద‌ల చేసుకొంటోంది. సో… థియేట‌ర్ల విష‌యంలో గుంటూరు కారంకి ఎలాంటి ఇబ్బందీ లేక‌పోవొచ్చు.