మహేష్ బాబు గుంటూరు కారం తర్వాత అల్లు అర్జున్ తో సినిమా చేయాలి త్రివిక్రమ్. హారిక హాసిని సంస్థ ఈ సినిమాని అధికారికంగా ప్రకటించింది కూడా. ప్రస్తుతం పుష్ప 2 తో బిజీగా వున్నారు బన్నీ. అయితే తివిక్రమ్ తో చేయబోయే సినిమాకి కొంత సమయం పడుతుంది. దీంతో త్రివిక్రమ్ కూడా తన ప్లాన్ బి ని రెడీ చేసి పెట్టుకున్నారు. వెంకటేష్ తో తివిక్రమ్ సినిమా ఎప్పటి నుంచో చర్చల్లో వుంది. త్రివిక్రమ్ రాసిన ‘నువ్వు నాకు నచ్చావ్, మల్లీశ్వరి’ చిత్రాల కథానాయకుడు వెంకీ. ఈ చిత్రాలు ఆహ్లాదకరమైన వినోదాన్ని పంచాయి.
మరోసారి వెంకీ, త్రివిక్రమ్ కలసి సినిమా చేయాలని ప్రేక్షకుల కూడా కోరుకుంటున్నారు. త్రివిక్రమ్, వెంకీలు కూడా దీనికి సిద్ధంగా వున్నారు. దిని కోసం ఒక ఫ్యామిలీ డ్రామాని రాసుకున్నారు తివిక్రమ్. అయితే ఇది కేవలం సోలో హీరో సినిమా కాదు. దీనిని మల్టీస్టారర్ గా ప్లాన్ చేస్తున్నారు. ఇందులో మరో హీరోగా నాని కనిపించబోతున్నారని సమాచారం. ఇప్పటికే కథని ఫైనల్ చేసి పెట్టుకున్నారు త్రివిక్రమ్. ఇండస్ట్రీలో కాంబినేషన్ ఈక్వేషన్లు ఎలా మారుతాయో చెప్పలేం. ప్లాన్ బి గా ఈ ప్రాజెక్ట్ రెడీ చేశారు త్రివిక్రమ్. అందుకే ప్రస్తుతానికి ఈ చిత్రానికి సంబంధించిన వివరాలన్నీ గోప్యంగా ఉంచారు.
