ప్ర‌ముఖ న‌టుడు చంద్ర‌మోహ‌న్ (79) క‌న్నుమూశారు. హైద‌రాబాద్ లోని ఓ ప్రైవేటు ఆసుప‌త్రిలో చికిత్స పొందుతూ కొద్ది నిమిషాల క్రితం తుదిశ్వాస విడిచారు. 1966లో సినీ రంగ ప్ర‌వేశం చేసిన చంద్ర‌మోహ‌న్.. దాదాపు 950 చిత్రాల్లో న‌టించారు. కేవ‌లం హీరోగానే 175 చిత్రాల్లో మెరిశారు. ప‌ద‌హారేళ్ల వ‌య‌సు లాంటి చిత్రాలు ఆయ‌న‌కు మంచి పేరు తీసుకొచ్చాయి. హీరోగా, క్యారెక్ట‌ర్ ఆర్టిస్టుగా విభిన్న‌మైన పాత్ర‌లు పోషించారు. కొద్ది రోజులుగా ఆయ‌న ఆరోగ్యం బాలేదు. హైద‌రాబాద్ అపోలో ఆసుప‌త్రిలో చికిత్స పొందుతూ… క‌న్నుమూశారు.

చంద్ర‌మోహ‌న్ అస‌లు పేరు మ‌ల్లంప‌ల్లి చంద్ర‌శేఖ‌ర్‌. 1942లో కృష్ణాజిల్లాలో ప‌మిడి ముక్క‌ల గ్రామంలో జ‌న్మించారు. రంగుల‌రాట్నం చిత్రంతో కెమెరా ముందుకు వ‌చ్చారు. చంద్ర‌మోహ‌న్‌కి ఓ భార్య‌, ఇద్ద‌రు కుమార్తెలు ఉన్నారు. సోమ‌వారం హైద‌రాబాద్‌లో చంద్ర‌మోహ‌న్ అంత్యక్రియ‌లు నిర్వ‌హిస్తారు.