నాగార్జున హోస్ట్ గా చేస్తున్న పాపులర్ రియాల్టీ షో ‘బిగ్బాస్’ సీజన్ 7 మొదలైంది. ‘ఈ సీజన్లో అన్నీ ఉల్టా పల్టా’ అని ప్రమోషన్స్ చేశారు. మీరు ఊహించిన దానికంటే ఎక్కువ వినోదం అందిస్తామని చెప్పారు. మొదటి రోజు ఎంట్రీలు చూస్తే ఈ సీజన్ కొంచెం డిఫరెంట్ గానే ఉంటుందనిపిస్తోంది. ఈ సీజన్ లో ప్రియాంక జైన్, శివాజీ, దామిని భట్ల, ప్రిన్స్ యవార్, శుభ శ్రీ, షకీలా, సందీప్, శోబభా శెట్టి, టేస్టీ తేజ, రతిక రోజ్, గౌతమ్ కృష్ణ, కిరణ్ రాథోడ్, పల్లవి ప్రశాంత్, అమర్ దీప్.. మొత్తం 14 మంది పోటీదారులు వున్నారు.
ఐతే ఇక్కడో కండీషన్ వుంది. హౌస్ లోకి వెళ్ళిన వారంతా హౌస్ మేట్స్ కాదు. హౌస్ మేట్స్ అవ్వాలంటే పవర్ ని సాధించాలి. అది ఎలా సాధిస్తారనేది ఆసక్తికరం. అలాగే ఇంకొంతమంది సీక్రెట్ రూమ్స్ లో వున్నారని కూడా తెలుస్తోంది. దీంతో పాటు ఓటింగ్ విధానంలో కూడా మార్పులు జరిగాయి.
తొలి రోజే ఓ బంపర్ ఆఫర్ లాంటి టాస్క్ ఇచ్చారు నాగార్జున. హౌస్లోకి వచ్చిన మొదటి ఐదుగురు కంటెస్టెంట్ లు రూ.35లక్షలు తీసుకొని వెళ్లిపోవచ్చని చెప్పారు. ముందు శివాజీ కాస్త టెంప్ట్ అయ్యారు కానీ తర్వాత నిర్ణయం మార్చుకున్నారు. మొదటి రోజు తమ సినిమాలని ప్రమోట్ చేసుకోవడానికి నవీన్ పోలిశెట్టి, విజయ దేవరకొండ హౌస్ లోకి వచ్చారు. మొత్తానికి ఈ సీజన్ కాస్త డిఫరెంట్ గానే ప్లాన్ చేశారని తొలి రోజు చూస్తే అర్ధమౌతుంది.
