వరుణ్ తేజ్, ప్రవీణ్ సత్తారు కాంబినేషన్ లో ఓ సినిమా రూపుదిద్దుకుంటుంది. బీవీఎస్ఎన్ ప్రసాద్ నిర్మాత. ఈ రోజు వరుణ్ తేజ్ బర్త్ డే కానుకగా ఈ సినిమా టైటిల్ టీజర్ ని రివిల్ చేశారు. ఈ చిత్రానికి ‘గాండీవధారి అర్జున’ అనే టైటిల్ పెట్టారు. టైటిల్ టీజర్ లో ఒకగ భారీ యాక్షన్ సీన్ ని గ్రాఫిక్స్ లో చూపించారు. గన్ ఫైర్ చేస్తూ వరుణ్ తేజ్ రివిల్ అవ్వడం ఆసక్తికరంగా వుంది.
ఎల్ల్బీడబ్ల్యూ, గుంటూరు టాకీస్, పీఎస్వీ గరుడవేగ లాంటి వైవిధ్యమైన చిత్రాలతో ఆకట్టుకున్నాడు ప్రవీణ్ సత్తారు. గతేడాది నాగార్జున తో చేసిన ది ఘోస్ట్ మాత్రం నిరాశపరిచింది. గనితో ఫ్లాఫ్ అందుకున్న తర్వాత వరుణ్ తేజ్.. ఎఫ్ 3 మల్టీస్టారర్ తో కాస్త ఊపిరిపీల్చుకున్నాడు. అయితే సోలో హీరోగా ఆయనకి మళ్ళీ ఒక విజయం కావాలి. అందుకే ఈ సినిమా ఇటు వరుణ్ కి అటు ప్రవీణ్ సత్తారు,, ఇద్దరికీ కీలకం. మిక్కీ జే మేయర్ ఈ చిత్రానికి మ్యూజిక్ అందిస్తున్నాడు.
