ఐదు రోజుల కింట సీఎం జగన్ ట్రోల్ కంటెంట్ను షేర్ చేసి.. తాను కూడా వెటకారం చేసిన మంచు లక్ష్మి ఈ సారి పవన్ కల్యాణ్ను టార్గెట్ చేశారు. పవన్ ను కించ పరుస్తూ.. వైసీపీ సానుభూతిపరుడు పెట్టిన పోస్టును షేర్ చేశారు. అయితే.. గుడ్ ఆర్ బ్యాండ్ పవన్ కల్యాణ్ ఫోటో పక్కన తన ఫోటో ఉండటం తనకు ఎంతో ధ్రిల్ కలిగించిందంటూ తన భావాన్ని పంచుకున్నారు. ఈ పోస్ట్ ఇప్పుడు సోషల్ మీడియాలో వైరల్ అవుతోంది.
పవన్ కల్యాణ్ ఇటీవల మార్షల్ ఆర్ట్స్ ప్రాక్టీస్ చేస్తున్నారని.. ఇరవై ఏళ్ల తర్వాత అలాంటి అవసరం వచ్చిందని చెబుతూ ఓ ఫోటో తన సోషల్ మీడియాలో పోస్ట్ చేశారు. దీనిపై ఆంధ్రప్రదేశ్లోని వైఎస్ఆర్సీపీ నాయకులు రకరకాలుగా సెటైర్లు వేస్తున్నారు. వారిపై జనసేన నాయకులు విరుచుకుపడుతున్నారు. ఇలా ఓ వైఎస్ఆర్సీపీ సానుభూతిపరుడు.. గతంలో మంచు లక్ష్మి ఇచ్చిన అలాంటి స్టిల్ ఫోటోను వెలికి తీసి.. పవన్ కల్యాణ్ పక్కన పెట్టి.. పవన్ కల్యాణ్ మంచు లక్ష్మిని కాపీ కొట్టారని మీమ్ తయారు చేశారు. దాన్ని సోషల్ మీడియాలో పోస్ట్ చేశారు. దాన్నే మంచు లక్ష్మి షేర్ చేశారు.
నిజానికి మంచు లక్ష్మి పవన్ కల్యాణ్పై ఎంతో గౌరవంతోనే ఆ పోస్ట్ పెట్టారు. కానీ ఆమె షేర్ చేసిన కంటెంట్ మాత్రం పవన్ కల్యాణ్ ఫ్యాన్స్ను ఇబ్బంది పెట్టేలా ఉంది. దాంతో మంచు లక్ష్మిపై పవన్ ఫ్యాన్స్ ఫైరవుతున్నారు. ఇటీవలి కాలంలో మంచు లక్ష్మి సోషల్ మీడియాలో ఇలాంటి ట్రోలింగ్ పోస్టులను ఎక్కువగా షేర్ చేస్తున్నారు. ఎవరమన్నా పట్టించుకోవడం లేదు.
