రిపబ్లిక్ తరవాత సాయిధరమ్ తేజ్ సినిమా ఏదీ రిలీజ్ కాలేదు. రోడ్డు ప్రమాదం కారణంగా.. సాయి కొన్నాళ్లు సినిమాలకు, షూటింగులకు దూరంగా ఉన్నాడు. ఇప్పుడిప్పుడే కోలుకొని.. మళ్లీ కెమెరా ముందుకు వస్తున్నాడు. వరుసగా సినిమాలు ఒప్పుకొంటున్నాడు. అందులో భాగంగానే.. కార్తీక్ దండు కథకు ఓకే చెప్పాడు. సుకుమార్ శిష్యుడైన కార్తీక్కి ఇది రెండో సినిమా. ఈనెల 7న టైటిల్ ని ప్రకటించబోతున్నారు. ఈ చిత్రానికి `విరూపాక్ష` అనే టైటిల్ పెట్టినట్టు సమాచారం. శివుడికి ఉన్న చాలా పేర్లలో ఇదొకటి. ఈ కథకు మైథాలజీ.. టచ్ ఉందన్న విషయం టైటిల్ లోనే అర్థమైపోతోంది. చేతబడి లాంటి బ్లాక్ మ్యాజిక్ వ్యవహారాలతో సాగే కథ అని తెలుస్తోంది. ఈమధ్య కమర్షియల్ కథలకు ఆధ్యాత్మిక టచ్ ఇస్తున్నారంతా. `విరూపాక్ష` కూడా అలాంటి కథే అనే గుసగుసలు వినిపిస్తున్నాయి. 7న టైటిల్ రివీల్ చేయడంతో పాటుగా టీజర్ కూడా చూపించబోతున్నారు. దాంతో కాన్సెప్ట్ ఏమిటో తెలుసుకోవొచ్చు.
సాయిధరమ్ టైటిల్… ‘విరూపాక్ష’?
