బాలకృష్ణతో ఓ భారీ యాక్షన్ ఎంటర్ టైనర్ చేస్తున్నాడు గోపిచంద్ మలినేని. ఈ చిత్రానికి ‘వీరసింహారెడ్డి’ టైటిల్ ని ఖరారు చేశారు. కర్నూలు కొండా రెడ్డి బురుజుపై టైటిల్ పోస్టర్ను లాంచ్ చేశారు. ఈ ఈవెంట్ లో దర్శకుడు గోపిచంద్ మలినేని స్పీచ్ హైలెట్ గా నిలిచింది. ‘వీరసింహారెడ్డి’పై ఫ్యాన్స్ లో భారీ అంచనాలు పెంచాడు. ఎంతలా అంటే.. షూటింగ్ ఇంకా ఇరవై రోజులు వుంది. కానీ ఇప్పుడు రిలీజ్ చేసిన ఈ సినిమా బ్లాక్ బస్టర్ అవుతుంది. అంత స్టఫ్ వుంది ఈ సినిమాలో” అని నమ్మకంగా చెప్పుకొచ్చాడు గోపి.
”బాలకృష్ణ అభిమానిగా తీసిన సినిమా వీరసింహారెడ్డి. ఫ్యాన్స్ అందరూ పండగ చేసుకునేలా వుంటుంది. సమరసింహా రెడ్డి ఎలాంటి వైబ్రేషన్ ఇచ్చిందో అలాంటి వైబ్రేషన్ వీరసింహా రెడ్డి ఇస్తుంది. అభిమానులు ఊహించినదాని కంటే రెండింతలు ఎక్కువ వుంటుంది. సంక్రాంతికి మన వీరసింహారెడ్డి విజ్రుభించబోతున్నాడు. బాలకృష్ణ గారిని డైరెక్ట చేయడం నా అదృష్టం. థియేటర్లో మోత మాములుగా వుండదు. ఫ్యాన్స్ లానే నేను కూడా థియేటర్ లో చూడాలని ఎదురుచూస్తున్నా. సంక్రాంతికి వస్తున్నాం” అని ఫ్యాన్స్ లో జోష్ నింపాడు.
