ఆగస్టులో 3 విజయాలు దక్కాయి. సీతారామం, బింబిసార, కార్తికేయ 2 సూపర్ హిట్లు అయ్యాయి. అయితే ఎన్నో ఆశలు పెట్టుకొన్న లైగర్ మాత్రం నిరుత్సాహపరిచింది. ఈ సినిమా డిజాసర్ట్ లిస్టులో చేరిపోయింది. ఈ వారం మరో మూడు సినిమాలు ప్రేక్షకుల ముందుకు రాబోతున్నాయి. మూడూ… వేటికవే ప్రత్యేకం. వినాయక చవితన (31న) విక్రమ్ సినిమా ‘కోబ్రా’ విడుదల కానుంది. ఇందులో విజయ్ పది గెటప్పుల్లో కనిపించబోతున్నాడు. ఇర్ఫాన్ పఠాన్ ఓ కీలక పాత్ర పోషించడం మరో విశేషం. ట్రైలర్ కూడా ఆకట్టుకొంది. అందుకే.. ఈ సినిమాపై అంచనాలు పెరిగాయి. ఈనెలాఖరున విడుదల అవుతున్న ‘కోబ్రా’ హిట్టు కొడితే… ఆగస్టు సంతృప్తికరంగా ముగిసినట్టు.
ఈ శుక్రవారం బాక్సాఫీసు ముందుకు రెండు సినిమాలొస్తున్నాయి. ఒకటి.. ‘రంగ రంగ వైభవంగా’ అయితే మరోటి.. ఫస్ట్ డే, ఫస్ట్ షో. వైష్ణవ్ తేజ్ కథానాయకుడిగా నటించిన రంగ రంగ పై మంచి అంచనాలే ఉన్నాయి. కేతిక శర్మ కథానాయికగా నటించింది. ట్రైలర్లో ఇద్దరి కెమిస్ట్రీ బాగానే వర్కవుట్ అయినట్టు కనిపించింది. యూత్ ఫుల్ లవ్ స్టోరీ కాబట్టి – యావరేజ్ టాక్ వచ్చినా, కుర్రకారుతో థియేటర్లు నిండిపోతాయి. అదే రోజున ‘ఫస్ట్ డే, ఫస్ట్ షో’ విడుదల అవుతోంది. జాతి రత్నాలు ఫేమ్ అనుదీప్ ఈచిత్రానికి కథ, మాటలు అందించారు. ఈ సినిమా ప్రమోషన్లని తానే ముందుండి నడిపిస్తున్నాడు. జాతిరత్నాలు మెరుపులు ఈ సినిమాలోనూ కనిపిస్తున్నాయి. పవన్ కల్యాణ్ సినిమా ఖుషి నేపథ్యంలో సాగే సినిమా ఇది. కాబట్టి.. పవన్ ఫ్యాన్స్కి నచ్చే అంశాలు ఈ సినిమా నిండా కనిపించబోతున్నాయి. వాళ్లు ఆదరించినా ఈ సినిమాకి తిరుగుండదు. సో.. ఎలా చూసినా ఈ వారం మూడికి మూడూ క్రేజీ సినిమాలే. వాటిలో ఒక్క హిట్టు పడినా – బాక్సాఫీసు దగ్గర మళ్లీ సందడి మొదలైపోయినట్టే.
