చిరు అంటే మాస్. మాస్ అంటే చిరు. అంతేనా..? చిరు కామెడీ టైమింగ్ అదిరిపోద్ది. స్టార్ హీరోల్లో.. కామెడీని చాలా అసువుగా పండిచేదెవరంటే ముందు మెగాస్టార్ పేరే చెప్పాలి. చంటబ్బాయ్, రౌడీ అల్లుడు, దొంగ మొగుడు లాంటి సినిమాలు చూస్తే చాలు.. చిరులోని కామెడీ టైఇంగ్ ఏపాటిదో అర్థమైపోతుంది. సినిమాల్లోనే కాదు. యాడ్ ఫిల్మ్లోనూ అది కనిపించింది. `శుభగృహ` కోసం చిరు ఓ యాడ్ చేశారు. సుకుమార్ దీనికి దర్శకత్వం వహించారు. చిరుతో పాటు ఖుష్బూ, అనసూయ ఈ యాడ్లో కనిపించారు. ఉగాది సందర్భంగా ఈ యాడ్ ని విడుదల చేశారు. 30 సెకన్ల ఈ యాడ్ లోనూ.. చిరు తన కామెడీ టైమింగ్ ఏమాత్రం మిస్ కాలేదు. పైగా మరింత యంగ్ లుక్లో కనిపించారు. ఇదేదో ఓ యాడ్ లా కాకుండా.. చిన్న పిట్ట కథలా తీర్చిదిద్దడం బాగుంది. చిరుతో ఓ సినిమా చేయాలన్నది సుకుమార్కల. దానికి తొలి మెట్టుగా.. ఈ యాడ్ ఫిల్మ్ ఉపయోగపడింది. చిరు కూడా సుకుమార్ డైరెక్షన్లో చేయడం ఆనందంగా ఉందని ట్వీట్ చేశారు. వెండి తెరపై ఈ కాంబినేషన్ చూసే అవకాశం ఎప్పుడు దొరుకుతుందో?
యాడ్ ఫిల్మ్లోనూ… చిరు కామెడీ టచ్!
