అఖండ ప్రీ రిలీజ్ ఫంక్ష‌న్‌… శిల్ప క‌ళావేదిక‌లో వైభ‌వంగా జ‌రిగింది. చాలా రోజుల త‌ర‌వాత‌… ఆడిటోరియం మొత్తం అరుపులు, కేక‌ల‌తో మార్మోగిపోయింది. ఈ వేడుక‌కు.. రాజ‌మౌళి, అల్లు అర్జున్‌లు అతిథులుగా వ‌చ్చారు. అంద‌రి ఫ్యాన్స్ లానే…. పాట‌ల్లో నంద‌మూరి బాల‌కృష్ణ ఎన‌ర్జీ చూసి.. రాజ‌మౌళి కూడా హుషారు తెచ్చేసుకున్నారు. ఈ సంద‌ర్భంగా రాజ‌మౌళి మాట్లాడుతూ..

”సినిమా ఇండ్ర‌స్ట్రీకి ఈ సినిమాతో ఊపు తీసుకొస్తున్న బోయ‌పాటికి థ్యాంక్యూ. డిసెంబ‌రు 2 మొద‌లుకుని..అన్ని థియేట‌ర్లూ… ఇలానే కేరింత‌లు కొడ‌తాయ‌న్న న‌మ్మ‌కం ఉంది. బాల‌య్య ఓ ఆటం బాంబ్‌. దాన్ని ఎలా ప్ర‌యోగించాలో బోయ‌పాటికే తెలుసు. ఆ సీక్రెట్ ఆయ‌న‌లో దాచుకోకుండా మ‌నంద‌రికీ చెప్పాలి. బాల‌య్యా.. ఆ డాన్సులేంటి? ఆ ఎన‌ర్జీ ఏంట‌సలు? మీరు కూడా ఆ ఎన‌ర్జీ సీక్రెట్ ని మాకు చెప్పాలి. పాట‌ల్లో చూపించింది కేవ‌లం మ‌చ్చుక్కి మాత్ర‌మే అని తెలుసు. సినిమా నిండా ఇలాంటివి బోలెడ‌న్ని ఉంటాయి. బాల‌య్య‌ని అఖండ గెట‌ప్ లో చూడాల‌ని నేను కూడా చాలా ఆస‌క్తిగా ఎదురు చూస్తున్నా. ఫ‌స్ట్ డే, ఫ‌స్ట్ షో.. థియేట‌ర్లో ఈ సినిమాని చూస్తా” అన్నారు రాజ‌మౌళి.