గవర్నర్ దత్తాత్రేయ నేతృత్వంలో జరిగిన ఆలయ్ బలయ్ కార్యక్రమంలో పలువురు రాజకీయ, సినీ, ప్రజాసంఘాల ప్రముఖులు పాల్గొన్నారు. ఆజగా ‘మా’ అధ్యక్షుడిగా ఎన్నికైన హీరో మంచు విష్ణు, జనసేన అధినేత పవర్ స్టార్ పవన్కల్యాణ్ కూడా ఈ కార్యక్రమానికి హాజరయ్యారు. అయితే వేదికపై వీరిద్దరూ పరస్పరం పలకరించుకోక పోవడం చర్చనీయంశమైయింది. అయితే దీనిపై మంచు విష్ణు క్లారిటీ ఇచ్చారు. సోమవారం మీడియాతో మాట్లాడిన విష్ణు పవన్ కళ్యాణ్ అంశంపై స్పందించాడు .
”‘అలయ్ బలయ్’ కార్యక్రమంలో స్టేజ్పైకి రాకముందే పవన్క్యలాణ్తో మాట్లాడాను. మేమిద్దరం చాలా విషయాలపై చర్చించుకున్నాం. ప్రోటోకాల్ ప్రకారం మేమిద్దరం స్టేజ్పై మాట్లాడుకోలేదు. స్టేజ్ మీద ఏం జరిగిందో అది మాత్రమే మీడియాకి తెలిసింది. పవన్ పెద్ద స్టార్.. ఆయన సహకారం మా కు అవసరం
ఇది మన తల్లి జాగ్రత్త గా చూసుకో అన్నారు” అని చెప్పుకొచ్చాడు విష్ణు.
ఇక మా లో మూకుమ్మడి రాజీనామాలపై మాట్లాడుతూ.. ప్రకాశ్రాజ్ ప్యానెల్లో గెలుపొందిన సభ్యులు రాజీనామాలు చేసినట్లు మీడియా ద్వారానే నాకు తెలిసింది. ఒక్కరి నుంచి మాత్రమే నాకు రాజీనామా అందింది. మిగిలిన వాళ్ల నుంచి కూడా వచ్చాక.. మేము ఒక్కసారి చర్చించుకుని.. సినీ పెద్దలతో మాట్లాడి అప్పుడు నిర్ణయం తీసుకుంటాం. చాలా విషయాల్లో అసోసియేషన్లోని బైలాస్ మార్చాలనుకుంటున్నాను. అది కూడా సినీ పెద్దలతో చర్చించాకే నిర్ణయం తీసుకుంటాను” అని చెప్పుకొచ్చారు విష్ణు.
