నెల్లూరు జిల్లా కోవూరు ఎమ్మెల్యే వ్యవహారం వైసీపీలో ఎప్పుడూ హాట్ టాపిక్గానే ఉంటుంది. ఆయన వివాదాస్పద ప్రకటనలు చేయడం… అధికారులను దూషించడం వంటి విషయాల్లో ఎప్పుడూ ముందు ఉంటారు. ఈ సారి సొంత పార్టీ క్యాడర్పై ఆయన చెలరేగిపోయారు. తన నియోజకవర్గంలో వైసీపీ నేతంలతా లంచాలు తీసుకుని ప్రజల్ని పీడిస్తున్నారని అందుకే ప్రజలు ఆదరించడం లేదని మండిపడ్డారు. ఎమ్మెల్యే నల్లపురెడ్డి ప్రసన్న కుమార్ రెడ్డి సొంత మండలం కోట. ఇటీవల పరిషత్ ఎన్నికల్లో కోట మండలంలో వైసీపీకి ఎదురుదెబ్బ తగిలింది.
దీనిపై ఎమ్మెల్యే ప్రసన్న కుమార్ సొంత పార్టీ నేతలపై విరుచుకుపడ్డారు. కోట పరిధిలో వైసీపీ నాయకులు లంచాలకు అలవాటు పడ్డారని సంచలన ఆరోపణలు చేశారు. దాబా పెట్టుకున్నా, షాపు పెట్టుకున్నా, బిల్డింగ్ కడుతున్నా, లే అవుట్ వేసినా, ఏదైనా ప్రారంభోత్సవాలనికి పిలిచినా లంచాలు అడుగుతున్నారని మండిపడ్డారు. అలాంటి వారి వల్ల పార్టీ పరువు, తమ కుటుంబ పరువు మంటగలిసిపోయిందని ఆవేదన వ్యక్తం చేశారు. అలాంటి బతుకు ఎందుకని, సూసైడ్ చేసుకుని చనిపోవచ్చు కదా పార్టీ నేతలకు సలహా కూడా ఇచ్చారు.
వైసీపీ నాయకులైనా, తమ బంధువులైనా, ఎవరైనా సరే.. ఇకపై లంచాలు అడిగితే తాట తీస్తా, తోలు తీసేస్తా, పార్టీనుంచి బయటకు పంపించేస్తానంటూ సీరియస్ గా వార్నింగ్ ఇచ్చారు. అయితే ఆయనకు తెలియకుండా ఏమీ జరగవని ఆ పార్టీ నేతలో లోపల్లపల గుసగుసలాడుకుంటూ ఉంటారు.
