నందమూరి బాలకృష్ణతో సినిమా అనగానే దర్శకులు ఉత్సాహం చూపిస్తుంటారు. ఎందుకంటే… బాలయ్య పూర్తిగా దర్శకుల హీరో. దర్శకుడు ఏం చెబితే అది చేసేయడానికి రెడీ. అందుకే దర్శకులకు బాలయ్య అంటే అంత ఇష్టం. కానీ బాలయ్య సినిమాతో ఓ సమస్య ఉంది. తన సినిమాల్లో హీరోయిన్లని ఫిక్స్ చేయడం చాలా కష్టం. ప్రతీ సినిమాకీ ఇదే సమస్య ఎదురవుతూ వస్తోంది. తాజాగా గోపీచంద్ మలినేని తో ఓ సినిమా చేస్తున్నాడు బాలయ్య. ఈ సినిమాలో హీరోయిన్ గా శ్రుతిహాసన్ ఫిక్సయ్యిందని వార్తలొచ్చాయి. ఇప్పుడు త్రిష పేరు కూడా గట్టిగానే వినిపిస్తోంది. అయితే ఇన్సైడ్ వర్గాల టాక్ ప్రకారం… ఈసినిమాలో హీరోయిన్ ఇంకా ఫిక్స్ కాలేదు. సదరు శ్రుతి, త్రిషలను చిత్రబృందం సంప్రదించిన మాట నిజమే. కానీ… వాళ్లెవరూ తమ అంగీకారం ఇంకా తెలపలేదు. అందుకే హీరోయిన్ కోసం అన్వేషణ ఇంకా పూర్తి కాలేదని సమాచారం.
* బాలయ్య పుట్టిన రోజున ఖరారు చేస్తారా?
ఈనెల 10న బాలకృష్ణ పుట్టిన రోజు. ఈ సందర్భంగా.. బాలయ్య నుంచి బహుమానాల వెల్లువ రానుంది. `అఖండ`కి సంబంధించిన సరికొత్త లుక్ ఈరోజున విడుదల చేయనున్నారని సమాచారం. అంతేకాదు… బాలయ్య – అనిల్ రావిపూడి కాంబినేషన్లో ఓ సినిమా రాబోతున్న మాట తెలిసిందే. ఈ సినిమాకి సంబంధించిన అధికారిక ప్రకటన అదే రోజున వెలువడబోతోంది. గోపీచంద్ మలినేనికి సంబంధించిన అప్ డేట్ వచ్చే అవకాశాలూ ఉన్నాయి.
