చేతిలో తుపాకీ ఉంది. ఎదురుగా చంపేయాలన్నంత కోపం తెప్పించిన భార్య ఉంది. అంతే ఆ ఆ పోలీసు ఏ మాత్రం ఆలోచించలేదు. కాల్చేశాడు. తర్వాత పోలీస్ బుర్రతోనే ఆలోచించారు. తుపాకీ మిస్ ఫైర్ అయిందంటూ నాటకం ప్రారంభించాడు. కానీ ఎంత పోలీస్ అయినా .. నేరం చేసి తప్పించుకోవాలనుకున్నప్పుడు ఎక్కడో ఓ చోట తడబడక తప్పదు. అలాగే ఆ పోలీస్ తడబడ్డాడు. అంతే దర్యాప్తు పోలీసులు పట్టుకున్నారు. అప్పుడు అతను నిజం ఒప్పుకోక తప్పలేదు. ఈ ఘటన బెజవాడలో జరిగింది.
బెజవాడలో వినోద్ అనే హోంగార్డు ఓ ఏఎస్పీ దగ్గర అసిస్టెంట్గా పని చేస్తున్నాడు. అతను రాత్రి ఇంటికి వచ్చాక ఇంట్లో నుంచి బుల్లెట్ శబ్దం వినిపించింది. అందరూ వచ్చి చూస్తే అతని భార్య కడుపులోకి బుల్లెట్ దిగింది. ఆమె అక్కడే చనిపోయినట్లుగా గుర్తించారు. హోంగార్డు వినోద్ కన్నీరుముననీరుగా విలపిస్తూ… భార్యకు గన్ ఎలా ఉంటుందో చూపిస్తున్నానని మిస్ ఫైర్ అయిందని చెప్పాడు. అందరూ అదే నిజం అనుకున్నారు. ఎందుకంటే ఆ భార్యభర్తులు ఇంటి గొడవల్ని ఎప్పుడూ బయట పెట్టుకోలేదు. అన్యోన్యంగానే ఉండేవారు. కానీ పోలీసులు మొత్తంగా విచారణ జరిపితే అసలు విషయం తెలిసింది. భార్య సూర్యరత్నప్రభ నగల్ని హోంగార్డు వినోద్ తాకట్టు పెట్టాడు. వాటి విషయంలో గొడవ జరిగింది. కోపం తట్టుకోలేక వినోద్ కాల్చేశాడు. వినోద్ భార్య ఇప్పుడు నాలుగు నెలల గర్భవతి.
సీఎం సెక్యూరిటీ వింగ్ ఏఎస్పీ దగ్గర అసిస్టెంట్గా హోంగార్డు వినోద్ పనిచేస్తున్నారు. 3 రోజుల క్రితం అనంతపురం క్యాంప్కు ఏఎస్పీ వెళ్లారు. ఆయన తుపాకీని హోంగార్డ్ వినోద్ దగ్గర ఉంచారు. ఆ తుపాకీతోనే దారుణానికి పాల్పడ్డాడు. మొదట వినోద్ చెప్పిన కథను చాలా మంది నమ్మారు. ఆయన భార్య తల్లిదండ్రులు కూడా నమ్మారు. తమ అల్లుడు మంచి వాడని పోలీసులుక చెప్పారు. కానీ విచారణలో అసలు విషయం తెలిసే సరికి వారే పోలీసులకు ఫిర్యాదులు చేశారు.
