సమాజంలో చిత్రమైన నేరాలు అప్పుడప్పుడూ వెలుగుచూస్తూ ఉంటాయి. అలాంటిది హైదరాబాద్లో ఒకటి బయటపడింది. ఓ నడి వయసు మహిళ.. ఓ యువకిడితో అక్రమ సంబంధం పెట్టుకుంది. తాను పెళ్లి చేసుకోలేదు కనుక.. కూతుర్ని ఇచ్చి పెళ్లి చేసింది. చివరికి అతన్నే హతమార్చింది. ఉప్పల్ రామాంతపూర్లోఈ ఘటన జరిగింది. ఉప్పల్ రామంతాపూర్ శ్రీనగర్ కాలనీలో హత్య జరిగిందని పోలీసులకు సమాచారం వచ్చింది. వెళ్లి చూసిన పోలీసులకు కత్తిపోట్లకు గురైన ఓ యువకుడి రక్తపు మడుగులో పడి ఉండటం కనిపించింది.
ఆ కత్తిపోట్లు పొడిచింది అనిత అనే మహిళ. అమెను అదుపులోకి తీసుకున్న పోలీసులకు షాకింగ్ విషయాలు తెలిశాయి. చనిపోయిన నవీన్ .. అపరిచితుడు కాదు.. అల్లుడే. మరి ఎందుకు చంపాల్సి వచ్చింది…అంటే కుటుంబగొడవలు. ఆ గొడవలు వచ్చింది.. అత్త, అల్లుడి మధ్య వివాహేతర బంధం వల్ల. క్యాటరింగ్ బిజినెస్ చేసే నవీన్ కు అనిత అనే మహిళ పరిచయం అయింది. అనితకు భర్త లేకపోవడం తో నవీన్ తో వివాహేతర సంబంధం ఏర్పర్చుకుంది. తర్వాత కూతుర్ని ఇచ్చి పెళ్లి చేసింది. పెళ్లి తర్వాత తల్లితో తన భర్త అక్రమ సంబంధం పెట్టుకున్నాడని తెలుసుకున్న కూతురు వందన ఆత్మహత్య చేసుకుంది. ఈ కేసులో నవీన్, అనిత జైలుకు వెళ్లొచ్చారు.
జైలుకు వెళ్లొచ్చిన తర్వాత మళ్లీ రామాంతపూర్ శ్రీనగర్ కాలనీ లో ఓ ఇంటిని అద్దెకు తీసుకుని సహజీవనం కొనసాగిస్తున్నారు. ఏం జరిగిందో ఏమో కానీ.. ఇంట్లో వాడుకునే కత్తి తో నవీన్ను దారుణంగా పొడిచి చంపింది అనిత.నవీన్ బాడీ పై 16 కత్తి పోట్లు ఉన్నట్లు క్లూస్ టీమ్ గుర్తించింది. అనైతిక బంధాలు అంతిమంగా అనర్థాలకే దారి తీస్తాయని.. ఈ కేసు మరోసారి నిరూపించింది.
