సినిమా పరిశ్రమలో కెరియర్ సాఫిగా సాగాలంటే వరుసెంట హిట్స్ సాధించాలి.. కొద్దిగా గ్యాప్ ఇస్తే చాలు కొత్త వారు వచ్చి క్రేజ్ ను తన్నుకుపోతారు. అందుకే బిజినెస్ మేన్ లో సూపర్ స్టార్ మహేష్ ఓ డైలాగ్ అంటాడు.. ‘ఎవడి సినిమా ఆడితే వాడే హీరో’.. అంటే ఎవరు హిట్ కొడితే వారికే జై కొడతారు ప్రేక్షకులు. అంతేకాదు తమకు నచ్చిన సినిమాలను అందిస్తున్నాడని స్టార్ ఇమేజ్ ఇచ్చేస్తారు. ప్రస్తుతం ఈ టాపిక్ అంతా దేనికంటే ఈ శుక్రవారం రిలీజ్ అయిన కృష్ణగాడి వీర ప్రేమ గాథ గురించి..
పైసా.. జెండాపై కపిరాజు సినిమా టైంలో నాని పని అయ్యిపోయింది.. ఏదో సో సోగా సినిమాలు తీసుకుంటూ పోవడమే అంటూ రకరకాల వార్తలు వచ్చాయి. ఆ సినిమాల ఫలితాలు కూడా తనని ఆలోచనలో పడేశాయి. అయితే లాస్ట్ ఇయర్ మారుతి రూపంలో నానికి అదృష్టం వరించింది. భలే భలే మగాడివోయ్ సినిమా ఊహించని విధంగా బ్లాక్ బస్టర్ హిట్ అయ్యింది. ఇక ఆ సినిమా ఇచ్చిన హిట్ జోష్ ను కంటిన్యూ చేస్తూ రీసెంట్ గా రిలీజ్ అయిన కృష్ణగాడి వీర ప్రేమగాథ కూడా సూపర్ హిట్ టాక్ సొంతం చేసుకుంది.
భలే భలే మగాడివోయ్ ముందు కన్ ఫ్యూజన్ లో పడ్డ నాని, ఆ సినిమా తర్వాత తన నుండి ఆడియెన్స్ ఎలాంటి సినిమాలు ఆశిస్తున్నారో ఓ క్లారిటీకి వచ్చాడు. అందుకే కృష్ణగాడి ప్రేమ గాథని ఎంజాయ్ చేస్తున్నారు. ఇక ప్రస్తుతం తనకు మొదటి సినిమా అవకాశం ఇచ్చిన అష్టా – చమ్మ దర్శకుడు ఇంద్రగంటి మోహన కృష్ణ దర్శకత్వంలో ఓ సినిమా చేస్తున్నాడు నాని.. మరి ఈ హిట్ మేనియాను కంటిన్యూ చేసేలా కథ కథనాల్లో జాగ్రత్తలు వహిస్తాడనే నమ్ముతున్నారు నాని అభిమానులు.
