సుశాంత్ సినిమాకి సంబంధించి కొన్ని రోజుల క్రితం ఓ టైటిల్ లోగోతో కూడిన పోస్ట‌ర్ హల్ చ‌ల్ చేసింది. `గ‌ట్టిగా కొడ‌తా` అనే పేరుతో సుశాంత్ సినిమా చేస్తున్నాడ‌న్న‌ది ఆ వార్త సారాంశం. అయితే.. ఈసినిమా తాను చేయ‌డం లేద‌ని, అస‌లు అలాంటి క‌థ విన‌లేద‌ని, త‌న‌పై ఇలాంటి రూమ‌ర్లు స్పైడ్ చేయొద్ద‌ని కోరాడు సుశాంత్‌. అయితే… ఇప్పుడు ఆ టైటిల్‌,పోస్ట‌ర్ సుశాంత్‌కి గుర్తొచ్చాయి. త‌న కొత్త సినిమా `చిల‌సౌ` ప్ర‌మోష‌న్ల కోసం దాన్ని వాడేశాడు. `చిల‌సౌ` కోసం ఓ ప్ర‌మోష‌న్ వీడియో త‌యారు చేసింది చిత్ర‌బృందం. అదంతా ఈ `గ‌ట్టిగా కొడ‌తా` చుట్టూనే తిరుగుతుంది. ప్ర‌స్తుతం ఉన్న ట్రెండు, ద‌ర్శ‌కులు క‌థ‌లు చెప్పే తీరుపై స‌ర‌దాగా ఓ సెటైర్ వేశాడు సుశాంత్‌. అయితే త‌న‌పై వ‌చ్చిన గాసిప్పుని ఇలా స్పోర్టివ్‌గా తీసుకుని, ఓ వీడియో చేయ‌డం, దాన్ని త‌న ప్ర‌మోష‌న్ కి వాడుకోవ‌డం.. ఇవ‌న్నీ ఆక‌ట్టుకుంటాయి. ఇదే క్రియేటివిటి.. సినిమాలోనూ చూపిస్తే…. సుశాంత్ ఈసారి గ‌ట్టిగా కొట్టేసిన‌ట్టే.