శుక్రవారం సాయంత్రం వరకూ పూజా హెగ్డే ఎంబి25 చిత్రీకరణలో పాల్గొన్నారు. ప్యాకప్ చెప్పాక… డెహ్రాడూన్ ఎయిర్పోర్ట్ వచ్చి బోర్డింగ్ పాస్ తీసుకుని ఫ్లైట్ ఎక్కారు. శుక్రవారంతో ఎంబి25 డెహ్రాడూన్ షెడ్యూల్లో ఆమె పాత్రకు సంబంధించిన చిత్రీకరణ పూర్తయ్యింది. దాంతో అక్కడి నుంచి బయలుదేరారు. ఈరోజు సాయంత్రం హైదరాబాద్లో జరగనున్న ‘సాక్ష్యం’ ఆడియో విడుదల కార్యక్రమానికి హాజరు కానున్నారు.
పూజా హెగ్డే సంగతి పక్కన పెడితే… మహేష్ బాబు అండ్ కో కూడా ఆదివారంతో డెహ్రాడూన్ నుంచి హైదరాబాద్ వచ్చేయనున్నారు. ఈ రోజు (శనివారం)తో డెహ్రాడూన్ షెడ్యూల్కి శుభం కార్డు పడనుంది. ఒకవేళ ఏవైనా సన్నివేశాలు బ్యాలన్స్ వుంటే రేపటితో ఫినిష్ చేయనున్నారు. డెహ్రాడూన్ షెడ్యూల్ మొదలై ఈ రోజుతో సరిగ్గా 20 రోజులు. పక్కా ప్లానింగ్తో అనుకున్న ప్రకారం షూటింగ్ చేశారని యూనిట్ టాక్. త్వరలో అమెరికా షెడ్యూల్ ప్రారంభమవుతుందని సమాచారం.
మహేష్ బాబు హీరోగా నటిస్తున్న 25వ సినిమా ఇది. వంశీ పైడిపల్లి దర్శకత్వం వహిస్తున్నారు. వైజయంతి మూవీస్, శ్రీ వెంకటేశ్వర క్రియేషన్స్ బ్యానర్స్ మీద సి. అశ్వనీదత్, దిల్ రాజు నిర్మిస్తున్నారు. దేవిశ్రీ ప్రసాద్ ఈ సినిమాకి సంగీత దర్శకుడు.
