మాటల మాంత్రికుడు త్రివిక్రం లెక్క కాస్త తప్పిందని చెప్పాలి. తన తీసే సినిమాలో ప్రతిది పర్ఫెక్ట్ గా ఉండాలని ముందునుండి జాగ్రత్తపడే దర్శకుడు త్రివిక్రం ప్రస్తుతం చేస్తున్న అ..ఆ సినిమా కోసం ఎప్పుడు లేని వింత అనుభవాలను ఫేస్ చేస్తున్నాడట. సినిమా మొదలైన నాటినుండి అ..ఆ సినిమా మీద ఏదో ఒక రూమర్ వస్తూనే ఉంది. ముఖ్యంగా సినిమా లీడ్ రోల్స్ చేస్తున్న నితిన్, సమంతల మధ్య కొన్ని రోజులు మాటలు లేవంటూ మీడియా హడావిడి చేసింది.
ఇక ఇప్పుడేమో ఆ సినిమా సంగీత దర్శకుడిని కూడా మార్చేస్తున్నారని వార్తలు వస్తున్నాయి. తన సినిమాలకు దేవిని ప్రిఫర్ చేసే త్రివిక్రం ఈసారి కొత్తగా కోలీవుడ్ సంగీత కెరటం అనిరుథ్ ని తీసుకోదలిచాడు. అయితే అనిరుథ్ ప్రస్తుతం ఆ సినిమా చేసే అవకాశం లేదని తెలియడంతో ఇప్పుడు తనని అ..ఆ సినిమా నుండి తప్పించి వేరే సంగీత దర్శకుడిని పెట్టే ప్రయత్నంలో ఉన్నారట.
సినిమా షూటింగ్ దాదాపు పూర్తి కావొచ్చిన ఈ సందర్భంలో సినిమా సంగీత దర్శకుడి పాత్ర కీలకం కాబట్టి త్రివిక్రం దేవి శ్రీ ప్రసాద్, మిక్కీ జె మేయర్ లను సంప్రదిస్తున్నట్టు తెలుస్తుంది. మరి ఇద్దరిలో ఎవరు అ..ఆ సినిమాకు సంగీతం అందిస్తారో తెలియాలంటే మరికొద్ది రోజులు వెయిట్ చేయాల్సిందే.
