తన మాటలతో చేతలతో మీడియా కు ఫుల్లుగా ఫుడ్ పెట్టె అతి కొద్ది మంది సీనియర్ నేతల్లో ఎం.పి జె సి దివాకరరెడ్డి ముఖ్యులు. అలాంటి జే సి… ఇక రాజకీయాలకు గుడ్ బై చెప్పనున్నారా?
తాజా గా గురువారం మీడియా తో ఇష్టా గోష్టి గా ముచ్చటించారు జే. సి. ఈ సందర్భంగా వచ్చే ఎన్నికల్లో తాను పోటీ చేయబోవడం లేదన్నారు. తన కుమారుడు ఎంపీగా పోటీ చేయాలని అనుకుంటున్నాడని, చంద్రబాబు కరుణిస్తే చేస్తాడని అన్నారు. ప్రస్తుతం ఎం.పీ లకు కరివేపాకు లకు ఉన్న విలువ లేదన్నారు. ఢిల్లీలో పలకరించే నాధుడే లేడన్నారు.
పనిలో పనిగా… సినిమాల్లో కష్టపడి డబ్బు సంపాదిస్తున్న పవన్… రాజకీయాల్లోకి రావడం కన్నా సినిమాలు చేసుకోవడం మంచిదంటూ ఒక సలహా కూడా ఇచ్చారు. పవన్ కు ఆయన అన్న చిరంజీవి శాపం అన్నారు. పార్టీ విలీనం ద్వారా చిరంజీవి పొరపాటు చేశాడన్నారు.
